সূক্ত 9

9.1

বিরাট্। ১-২৬ অথর্বা। কশ্যপঃ, সর্বে ঋষয়ঃ, ছন্দাংসী চ, বিরাট্। ত্রিষ্টুপ্, ২ পঙ্ক্তিঃ, ৩ আস্তারপঙ্ক্তিঃ, ৪-৫, ২৩, ২৫-২৬ অনুষ্টুপ্, ৮, ১১-১২, ২২ জগতী, ৯ ভুরিক্, ১৪ চতুষ্পদাতিজগতী।

কুতস্তৌ জাতৌ কতমঃ সো অর্ধঃ কস্মাল্লোকাৎ কতমস্যাঃ পৃথিব্যাঃ ।
বত্সৌ বিরাজঃ সলিলাদুদৈতাং তৌ ত্বা পৃছামি কতরেণ দুগ্ধা ॥১॥

9.2

যো অক্রন্দয়ৎ সলিলং মহিত্বা যোনিং কৃত্বা ত্রিভুজং শয়ানঃ ।
বত্সঃ কামদুঘো বিরাজঃ স গুহা চক্রে তন্বঃঽ পরাচৈঃ ॥২॥

9.3

যানি ত্রীণি বৃহন্তি যেষাং চতুর্থং বিয়ুনক্তি বাচম্।
ব্রহ্মৈনদ্ বিদ্যাৎ তপসা বিপশ্চিদ্ যস্মিন্নেকং যুজ্যতে যস্মিন্নেকম্ ॥৩॥

9.4

বৃহতঃ পরি সামানি ষষ্ঠাৎ পঞ্চাধি নির্মিতা ।
বৃহদ্ বৃহত্যা নির্মিতং কুতোঽধি বৃহতী মিতা ॥৪॥

9.5

বৃহতী পরি মাত্রায়া মাতুর্মাত্রাধি নির্মিতা ।
মায়া হ জজ্ঞে মায়ায়া মায়ায়া মাতলী পরি ॥৫॥

9.6

বৈশ্বানরস্য প্রতিমোপরি দ্যৌর্যাবদ্ রোদসী বিববাধে অগ্নিঃ ।
ততঃ ষষ্ঠাদামুতো যন্তি স্তোমা উদিতো যন্ত্যভি ষষ্ঠমহ্নঃ ॥৬॥

9.7

ষট্ ত্বা পৃছাম ঋষয়ঃ কশ্যপেমে ত্বং হি যুক্তং যুয়ুক্ষে যোগ্যং চ ।
বিরাজমাহুর্ব্রহ্মণঃ পিতরং তাং নো বি ধেহি যতিধা সখিভ্যঃ ॥৭॥

9.8

যাং প্রচ্যুতামনু যজ্ঞাঃ প্রচ্যবন্ত উপতিষ্ঠন্ত উপতিষ্ঠমানাম্।
যস্যা ব্রতে প্রসবে যক্ষমেজতি সা বিরাডৃষয়ঃ পরমে ব্যোঽমন্ ॥৮॥

9.9

অপ্রাণৈতি প্রাণেন প্রাণতীনাং বিরাট্ স্বরাজমভ্যেঽতি পশ্চাৎ।
বিশ্বং মৃশন্তীমভিরূপাং বিরাজং পশ্যন্তি ত্বে ন ত্বে পশ্যন্ত্যেনাম্ ॥৯॥

9.10

কো বিরাজো মিথুনত্বং প্র বেদ ক ঋতূন্ ক উ কল্পমস্যাঃ ।
ক্রমান্ কো অস্যাঃ কতিধা বিদুগ্ধান্ কো অস্যা ধাম কতিধা ব্যুঽষ্টীঃ ॥১০॥

9.11

ইয়মেব সা যা প্রথমা ব্যৌচ্ছদাস্বিতরাসু চরতি প্রবিষ্টা ।
মহান্তো অস্যাং মহিমানো অন্তর্বধূর্জিগায় নবগজ্জনিত্রী ॥১১॥

9.12

ছন্দঃপক্ষে উষসা পেপিশানে সমানং যোনিমনু সং চরেমে ।
সূর্যপত্নী সং চরতঃ প্রজানতী কেতুমতী অজরে ভূরিরেতসা ॥১২॥

9.13

ঋতস্য পন্থামনু তিস্র আগুস্ত্রয়ো ঘর্মা অনু রেত আগুঃ ।
প্রজামেকা জিন্বত্যূর্জমেকা রাষ্ট্রমেকা রক্ষতি দেবয়ূনাম্ ॥১৩॥

9.14

অগ্নীষোমাবদধুর্যা তুরীয়াসীদ্ যজ্ঞস্য পক্ষাবৃষয়ঃ কল্পয়ন্তঃ ।
গায়ত্রীং ত্রিষ্টুভং জগতীমনুষ্টুভং বৃহদর্কীং যজমানায় স্বঽরাভরন্তীম্ ॥১৪॥

9.15

পঞ্চ ব্যুঽষ্টীরনু পঞ্চ দোহা গাং পঞ্চনাম্নীমৃতবোঽনু পঞ্চ ।
পঞ্চ দিশঃ পঞ্চদশেন ক্লৃপ্তস্তা একমূর্ধ্নীরভি লোকমেকম্ ॥১৫॥

9.16

ষড্ জাতা ভূতা প্রথমজর্তস্য ষডু সামানি ষডহং বহন্তি ।
ষড্যোগং সীরমনু সামসাম ষডাহুর্দ্যাবাপৃথিবীঃ ষডুর্বীঃ ॥১৬॥

9.17

ষডাহুঃ শীতান্ ষডু মাস উষ্ণানৃতুং নো ব্রূত যতমোঽতিরিক্তঃ ।
সপ্ত সুপর্ণাঃ কবয়ো নি ষেদুঃ সপ্ত চ্ছন্দাংস্যনু সপ্ত দীক্ষাঃ ॥১৭॥

9.18

সপ্ত হোমাঃ সমিধো হ সপ্ত মধূনি সপ্তর্তবো হ সপ্ত।
সপ্তাজ্যানি পরি ভূতমায়ন্ তাঃ সপ্তগৃধ্রা ইতি শুশ্রুমা বয়ম্ ॥১৮॥

9.19

সপ্ত চ্ছন্দাংসি চতুরুত্তরাণ্যন্যো অন্যস্মিন্নধ্যার্পিতানি ।
কথং স্তোমাঃ প্রতি তিষ্ঠন্তি তেষু তানি স্তোমেষু কথমার্পিতানি ॥১৯॥

9.20

কথং গায়ত্রী ত্রিবৃতং ব্যাঽপ কথং ত্রিষ্টুপ্ পঞ্চদশেন কল্পতে ।
ত্রয়স্ত্রিংশেন জগতী কথমনুষ্টুপ্ কথমেকবিংশঃ ॥২০॥

9.21

অষ্ট জাতা ভূতা প্রথমজর্তস্যাষ্টেন্দ্রর্ত্বিজো দৈব্যা যে।
অষ্টয়োনিরদিতিরষ্টপুত্রাষ্টমীং রাত্রিমভি হব্যমেতি ॥২১॥

9.22

ইত্থং শ্রেয়ো মন্যমানেদমাগমং যুষ্মাকং সখ্যে অহমস্মি শেবা ।
সমানজন্মা ক্রতুরস্তি বঃ শিবঃ স বঃ সর্বাঃ সং চরতি প্রজানন্ ॥২২॥

9.23

অষ্টেন্দ্রস্য ষড্ যমস্য ঋষীণাং সপ্ত সপ্তধা।
অপো মনুষ্যা৩নোষধীস্তাঁ উ পঞ্চানু সেচিরে ॥২৩॥

9.24

কেবলীন্দ্রায় দুদুহে হি গৃষ্টির্বশং পীয়ূষং প্রথমং দুহানা ।
অথাতর্পয়চ্চতুরশ্চতুর্ধা দেবান্ মনুষ্যাঁ৩ অসুরানুত ঋষীন্ ॥২৪॥

9.25

কো নু গৌঃ ক একঋষিঃ কিমু ধাম কা আশিষঃ ।
যক্ষং পৃথিব্যামেকবৃদেকর্তুঃ কতমো নু সঃ ॥২৫॥

9.26

একো গৌরেক একঋষিরেকং ধামৈকধাশিষঃ ।
যক্ষং পৃথিব্যামেকবৃদেকর্তুর্নাতি রিচ্যতে ॥২৬॥