সূক্ত 70

70.1

শত্রুদমনম্। ১-৫ অথর্বা। শ্যেনঃ, দেবাঃ। ১ ত্রিষ্টুপ্, ২ অতিজগতীগর্ভা জগতী, ৩-৫ অনুষ্টুপ্ (৩ পুরঃককুম্মতী)।

যৎ কিং চাসৌ মনসা যচ্চ বাচা যজ্ঞৈর্জুহোতি হবিষা যজুষা ।
তন্মৃত্যুনা নিরৃতিঃ সংবিদানা পুরা সত্যাদাহুতিং হন্ত্বস্য ॥১॥

70.2

যাতুধানা নিরৃতিরাদু রক্ষস্তে অস্য ঘ্নন্ত্বনৃতেন সত্যম্।
ইন্দ্রেষিতা দেবা আজ্যমস্য মথ্নন্তু মা তৎ সং পাদি যদসৌ জুহোতি ॥২॥

70.3

অজিরাধিরাজৌ শ্যেনৌ সংপাতিনাবিব ।
আজ্যং পৃতন্যতো হতাং যো নঃ কশ্চাভ্যঘায়তি ॥৩॥

70.4

অপাঞ্চৌ ত উভৌ বাহূ অপি নহ্যাম্যাস্যঽম্।
অগ্নের্দেবস্য মন্যুনা তেন তেঽবধিষং হবিঃ ॥৪॥

70.5

অপি নহ্যামি তে বাহূ অপি নহ্যাম্যাস্যঽম্।
অগ্নের্ঘোরস্য মন্যুনা তেন তেঽবধিষং হবিঃ ॥৫॥