সূক্ত 60

60.1

রম্যং গৃহম্। ১-৭ ব্রহ্মা। গৃহাঃ, বাস্তোষ্পতিঃ। অনুষ্টুপ্, ১ পরানুষ্টুপ্ ত্রিষ্টুপ্।

ঊর্জং বিভ্রদ্ বসুবনিঃ সুমেধা অঘোরেণ চক্ষুষা মিত্রিয়েণ ।
গৃহানৈমি সুমনা বন্দমানো রমধ্বং মা বিভীত মৎ ॥১॥

ইমে গৃহা ময়োভুব ঊর্জস্বন্তঃ পয়স্বন্তঃ ।
পূর্ণা বামেন তিষ্ঠন্তস্তে নো জানন্ত্বায়তঃ ॥২॥

যেষামধ্যেতি প্রবসন্ যেষু সৌমনসো বহুঃ ।
গৃহানুপ হ্বয়ামহে তে নো জানন্ত্বায়তঃ ॥৩॥

উপহূতা ভূরিধনাঃ সখায়ঃ স্বাদুসংমুদঃ ।
অক্ষুধ্যা অতৃষ্যা স্ত গৃহা মাস্মদ্ বিভীতন ॥৪॥

উপহূতা ইহ গাব উপহূতা অজাবয়ঃ ।
অথো অন্নস্য কীলাল উপহূতো গৃহেষু নঃ ॥৫॥

সূনৃতাবন্তঃ সুভগা ইরাবন্তো হসামুদাঃ ।
অতৃষ্যা অক্ষুধ্যা স্ত গৃহা মাস্মদ্ বিভীতন ॥৬॥

ইহৈব স্ত মানু গাত বিশ্বা রূপাণি পুষ্যত ।
ঐষ্যামি ভদ্রেণা সহ ভূয়াংসো ভবতা ময়া ॥৭॥