সূক্ত 56

56.1

বিষভৈষজ্যম্। ১-৮ অথর্বা।বৃশ্চিকাদয়ঃ, ২ বনস্পতিঃ, ৪ ব্রহ্মণস্পতিঃ। অনুষ্টুপ্, ৪ বিরাট্-প্রস্তারপঙ্ক্তিঃ।

তিরশ্চিরাজেরসিতাৎ পৃদাকোঃ পরি সংভৃতম্।
তৎ কঙ্কপর্বণো বিষমিয়ং বীরুদনীনশৎ ॥১॥

56.2

ইয়ং বীরুন্মধুজাতা মধুশ্চুন্মধুলা মধূঃ ।
সা বিহ্রুতস্য ভেষজ্যথো মশকজম্ভনী ॥২॥

56.3

যতো দষ্টং যতো ধীতং ততস্তে নির্হ্বয়ামসি ।
অর্ভস্য তৃপ্রদংশিনো মশকস্যারসং বিষম্ ॥৩॥

56.4

অয়ং যো বক্রো বিপরুর্ব্যঽঙ্গো মুখানি বক্রা বৃজিনা কৃণোষি ।
তানি ত্বং ব্রহ্মণস্পত ইষীকামিব সং নমঃ ॥৪॥

56.5

অরসস্য শর্কোটস্য নীচীনস্যোপসর্পতঃ ।
বিষং হ্য১স্যাদিষ্যথো এনমজীজভম্ ॥৫॥

56.6

ন তে বাহ্বোর্বলমস্তি ন শীর্ষে নোত মধ্যতঃ ।
অথ কিং পাপয়ামুয়া পুচ্ছে বিভর্ষ্যর্ভকম্ ॥৬॥

56.7

অদন্তি ত্বা পিপীলিকা বি বৃশ্চন্তি ময়ূর্যঃ ।
সর্বে ভল ব্রবাথ শার্কোটমরসং বিষম্ ॥৭॥

56.8

য উভাভ্যাং প্রহরসি পুচ্ছেন চাস্যেঽন চ ।
আস্যে৩ ন তে বিষং কিমু তে পুচ্ছধাবসৎ ॥৮॥