Sukta 56

56.1

Vishabhaishajyam, 1-8 atharva, vrishchikadayah, 2 vanaspatih, 4 brahmanaspatih, anushtup, 4 virat-prastarapanktih

तिर॑श्चिराजेरसि॒तात् पृदा॑कोः॒ परि॒ संभृ॑तम्।
तत् क॒ङ्कप॑र्वणो वि॒षमि॒यं वी॒रुद॑नीनशत् ॥१॥

Tirashchirajerasitat pridakoh pari sambhritam
Tat kankaparvano vishamiyam virudaninashat

56.2

इ॒यं वी॒रुन्मधु॑जाता मधु॒श्चुन्म॑धु॒ला म॒धूः ।
सा विह्रु॑तस्य भेष॒ज्यथो॑ मशक॒जम्भ॑नी ॥२॥

Iyam virunmadhujata madhushchunmadhula madhuh
Sa vihrutasya bheshajyatho mashakajambhani

56.3

यतो॑ द॒ष्टं यतो॑ धी॒तं तत॑स्ते॒ निर्ह्व॑यामसि ।
अ॒र्भस्य॑ तृप्रदं॒शिनो॑ म॒शक॑स्यार॒सं वि॒षम् ॥३॥

Yato dashtam yato dhitam tataste nirhvayamasi
Arbhasya tripradanshino mashakasyarasam visham

56.4

अ॒यं यो व॒क्रो विप॑रु॒र्व्यऽङ्गो॒ मुखा॑नि व॒क्रा वृ॑जि॒ना कृ॒णोषि॑ ।
तानि॒ त्वं ब्र॑ह्मणस्पत इ॒षीका॑मिव॒ सं न॑मः ॥४॥

Ayam yo vakro viparurvyango mukhani vakra vrijina krinoshi
Tani tvam brahmanaspata ishikamiva sam namah

56.5

अ॒र॒सस्य॑ श॒र्कोट॑स्य नी॒चीन॑स्योप॒सर्प॑तः ।
वि॒षं ह्य॑१स्यादि॒ष्यथो॑ एनमजीजभम् ॥५॥

Arasasya sharkotasya nichinasyopasarpatah
Visham hya1syadishyatho enamajijabham

56.6

न ते॑ बा॒ह्वोर्बल॑मस्ति॒ न शी॒र्षे नोत म॑ध्य॒तः ।
अथ॒ किं पा॒पया॑मु॒या पुच्छे॑ बिभर्ष्यर्भ॒कम् ॥६॥

Na te bahvorbalamasti na shirshe nota madhyatah
Atha kim papayamuya puchchhe bibharshyarbhakam

56.7

अ॒दन्ति॑ त्वा पि॒पीलि॑का॒ वि वृ॑श्चन्ति मयू॒र्यः ।
सर्वे॑ भल ब्रवाथ॒ शार्को॑टमर॒सं वि॒षम् ॥७॥

Adanti tva pipilika vi vrishchanti mayuryah
Sarve bhala bravatha sharkotamarasam visham

56.8

य उ॒भाभ्यां॑ प्र॒हर॑सि॒ पुच्छे॑न चा॒स्येऽन च ।
आ॒स्ये॒३ न ते॑ वि॒षं किमु॑ ते पुच्छ॒धाव॑सत् ॥८॥

Ya ubhabhyam praharasi puchchhena chasyena cha
Asye3 na te visham kimu te puchchhadhavasat