সূক্ত 53

53.1

দীর্ঘায়ুঃ। ১-৭ ব্রহ্মা। আয়ুঃ, বৃহস্পতিঃ অশ্বিনৌ চ। ১-২ ত্রিষ্টুপ্, ৩ ভুরিক্, ৪ উষ্ণিগ্গর্ভার্ষী পঙ্ক্তিঃ, ৫-৭ অনুষ্টুপ্।

অমুত্রভূয়াদধি যদ্ যমস্য বৃহস্পতেরভিশস্তেরমুঞ্চঃ ।
প্রত্যৌহতামশ্বিনা মৃত্যুমস্মদ্ দেবানামগ্নে ভিষজা শচীভিঃ ॥১॥

53.2

সং ক্রামতং মা জহীতং শরীরং প্রাণাপানৌ তে সয়ুজাবিহ স্তাম্।
শতং জীব শরদো বর্ধমানোঽগ্নিষ্টে গোপা অধিপা বসিষ্ঠঃ ॥২॥

53.3

আয়ুর্যৎ তে অতিহিতং পরাচৈরপানঃ প্রাণঃ পুনরা তাবিতাম্।
অগ্নিষ্টদাহার্নিরৃতেরুপস্থাৎ তদাত্মনি পুনরা বেশয়ামি তে ॥৩॥

53.4

মেমং প্রাণো হাসীন্মো অপানোঽবহায় পরা গাৎ।
সপ্তর্ষিভ্য এনং পরি দদামি ত এনং স্বস্তি জরসে বহন্তু ॥৪॥

53.5

প্র বিশতং প্রাণাপানাবনড্বাহাবিব ব্রজম্।
অয়ং জরিম্ণঃ শেবধিররিষ্ট ইহ বর্ধতাম্ ॥৫॥

53.6

আ তে প্রাণং সুবামসি পরা যক্ষ্মং সুবামি তে ।
আয়ুর্নো বিশ্বতো দধদয়মগ্নির্বরেণ্যঃ ॥৬॥

53.7

উদ্ বয়ং তমসস্পরি রোহন্তো নাকমুত্তমম্।
দেবং দেবত্রা সূর্যমগন্ম জ্যোতিরুত্তমম্ ॥৭॥