সূক্ত 26

26.1

বিষ্ণুঃ। ১-৮ মেধাতিথিঃ। বিষ্ণুঃ। ১,৮ ত্রিষ্টুপ্, ২ ত্রিপদা বিরাড্-গায়ত্রী, ৩ ত্র্যবসানা ষট্-পদা বিরাট্ শক্বরী, ৪-৭ গায়ত্রী।

বিষ্ণোর্নু কং প্রা বোচং বীর্যাঽণি যঃ পার্থিবানি বিমমে রজাংসি ।
যো অস্কভায়দুত্তরং সধস্থং বিচক্রমাণস্ত্রেধোরুগায়ঃ ॥১॥

প্র তদ্ বিষ্ণু স্তবতে বীর্যাঽণি মৃগো ন ভীমঃ কুচরো গিরিষ্ঠাঃ ।
পরাবত আ জগম্যাৎ পরস্যাঃ ॥২॥

যস্যোরুষু ত্রিষু বিক্রমনেষ্বধিক্ষিয়ন্তি ভুবনানি বিশ্বা ।
উরু বিষ্ণো বি ক্রমস্বোরু ক্ষয়ায় নস্কৃধি ।
ঘৃতং ঘৃতয়োনে পিব প্রপ্র যজ্ঞপতিং তির ॥৩॥

ইদং বিষ্ণুর্বি চক্রমে ত্রেধা নি দধে পদা।
সমূঢমস্য পাংসুরে ॥৪॥

ত্রীণি পদা বি চক্রমে বিষ্ণুর্গোপা অদাভ্যঃ ।
ইতো ধর্মাণি ধারয়ন্ ॥৫॥

বিষ্ণোঃ কর্মাণি পশ্যত যতো ব্রতানি পস্পশে।
ইন্দ্রস্য যুজ্যঃ সখা ॥৬॥

তদ্ বিষ্ণোঃ পরমং পদং সদা পশ্যন্তি সূরয়ঃ ।
দিবীঽব চক্ষুরাততম্ ॥৭॥

দিবো বিষ্ণ উত বা পৃথিব্যা মহো বিষ্ণ উরোরন্তরিক্ষাৎ।
হস্তৌ পৃণস্ব বহুভির্বসব্যৈরাপ্রয়চ্ছ দক্ষিণাদোত সব্যাৎ ॥৮॥