Sukta 26

26.1

Vishnuh, 1-8 medhatithih, vishnuh, 1, 8 trishtup, 2 tripada virad-gayatri, 3 tryavasana shat-pada virat shakvari, 4-7 gayatri

विष्णो॒र्नु कं॒ प्रा वो॑चं वी॒र्याऽणि॒ यः पार्थि॑वानि विम॒मे रजां॑सि ।
यो अस्क॑भाय॒दुत्त॑रं स॒धस्थं॑ विचक्रमा॒णस्त्रे॒धोरु॑गा॒यः ॥१॥

Vishnornu kam pra vocham viryani yah parthivani vimame rajansi
Yo askabhayaduttaram sadhastham vichakramanastredhorugayah

26.2

प्र तद् विष्णु॑ स्तवते वी॒र्याऽणि मृ॒गो न भी॒मः कु॑च॒रो गि॑रि॒ष्ठाः ।
प॒रा॒वत॒ आ ज॑गम्या॒त् पर॑स्याः ॥२॥

Pra tad vishnu stavate viryani mrigo na bhimah kucharo girishthah
Paravata a jagamyat parasyah

26.3

यस्यो॒रुषु॑ त्रि॒षु वि॒क्रम॑नेष्वधिक्षि॒यन्ति॒ भुव॑नानि॒ विश्वा॑ ।
उ॒रु वि॑ष्णो॒ वि क्र॑मस्वो॒रु क्षया॑य नस्कृधि ।
घृ॒तं घृ॑तयोने पिब॒ प्रप्र॑ य॒ज्ञप॑तिं तिर ॥३॥

Yasyorushu trishu vikramaneshvadhikshiyanti bhuvanani vishva
Uru vishno vi kramasvoru kshayaya naskridhi
Ghritam ghritayone piba prapra yagyapatim tira

26.4

इ॒दं विष्णु॒र्वि च॑क्रमे त्रे॒धा नि द॑धे प॒दा।
समू॑ढमस्य पांसु॒रे ॥४॥

Idam vishnurvi chakrame tredha ni dadhe pada
Samudhamasya pansure

26.5

त्रीणि॑ प॒दा वि च॑क्रमे॒ विष्णु॑र्गो॒पा अदा॑भ्यः ।
इ॒तो धर्मा॑णि धा॒रय॑न् ॥५॥

Trini pada vi chakrame vishnurgopa adabhyah
Ito dharmani dharayan

26.6

विष्णोः॒ कर्मा॑णि पश्यत॒ यतो॑ व्र॒तानि॑ पस्प॒शे।
इन्द्र॑स्य॒ युज्यः॒ सखा॑ ॥६॥

Vishnoh karmani pashyata yato vratani paspashe
Indrasya yujyah sakha

26.7

तद् विष्णोः॑ पर॒मं प॒दं सदा॑ पश्यन्ति सू॒रयः॑ ।
दि॒वीऽव॒ चक्षु॒रात॑तम् ॥७॥

Tad vishnoh paramam padam sada pashyanti surayah
Diviva chakshuratatam

26.8

दि॒वो वि॑ष्ण उ॒त वा॑ पृथि॒व्या म॒हो वि॑ष्ण उ॒रोर॒न्तरि॑क्षात्।
हस्तौ॑ पृणस्व ब॒हुभि॑र्व॒सव्यै॑रा॒प्रय॑च्छ॒ दक्षि॑णा॒दोत स॒व्यात् ॥८॥

Divo vishna uta va prithivya maho vishna urorantarikshat
Hastau prinasva bahubhirvasavyairaprayachchha dakshinadota savyat