সূক্ত 12

12.1

রাষ্ট্রসভা। ১-৪ শৌনকঃ। সভা, ১-২ সভা, পিতরঃ, ৩ ইন্দ্রঃ, ৪ মনঃ। অনুষ্টুপ্, ১ ভুরিক্ ত্রিষ্টুপ্।

সভা চ মা সমিতিশ্চাবতাং প্রজাপতের্দুহিতরৌ সংবিদানে।
যেনা সংগচ্ছা উপ মা স শিক্ষাচ্চারু বদানি পিতরঃ সংগতেষু ॥১॥

12.2

বিদ্ম তে সভে নাম নরিষ্টা নাম বা অসি ।
যে তে কে চ সভাসদস্তে মে সন্তু সবাচসঃ ॥২॥

12.3

এষামহং সমাসীনানাং বর্চো বিজ্ঞানমা দদে ।
অস্যাঃ সর্বস্যাঃ সংসদো মামিন্দ্র ভগিনং কৃণু ॥৩॥

12.4

যদ্ বো মনঃ পরাগতং যদ্ বদ্ধমিহ বেহ বা ।
তদ্ ব আ বর্তয়ামসি ময়ি বো রমতাং মনঃ ॥৪॥