Sukta 12

12.1

Rashtrasabha, 1-4 shaunakah, sabha, 1-2 sabha, pitarah, 3 indrah, 4 manah, anushtup, 1 bhurik trishtup

स॒भा च॑ मा॒ समि॑तिश्चावतां प्र॒जाप॑तेर्दुहि॒तरौ॑ संविदा॒ने।
येना॑ सं॒गच्छा॒ उप॑ मा॒ स शि॑क्षा॒च्चारु॑ वदानि पितरः॒ संग॑तेषु ॥१॥

Sabha cha ma samitishchavatam prajapaterduhitarau sanvidane
Yena sangachchha upa ma sa shikshachcharu vadani pitarah sangateshu

12.2

वि॒द्म ते॑ सभे॒ नाम॑ न॒रिष्टा॒ नाम॒ वा अ॑सि ।
ये ते॒ के च॑ सभा॒सद॒स्ते मे॑ सन्तु॒ सवा॑चसः ॥२॥

Vidma te sabhe nama narishta nama va asi
Ye te ke cha sabhasadaste me santu savachasah

12.3

ए॒षाम॒हं स॒मासी॑नानां॒ वर्चो॑ वि॒ज्ञान॒मा द॑दे ।
अ॒स्याः सर्व॑स्याः सं॒सदो॒ मामि॑न्द्र भ॒गिनं॑ कृणु ॥३॥

Eshamaham samasinanam varcho vigyanama dade
Asyah sarvasyah sansado mamindra bhaginam krinu

12.4

यद् वो॒ मनः॒ परा॑गतं॒ यद् ब॒द्धमि॒ह वे॒ह वा॑ ।
तद् व॒ आ व॑र्तयामसि॒ मयि॑ वो रमतां॒ मनः॑ ॥४॥

Yad vo manah paragatam yad baddhamiha veha va
Tad va a vartayamasi mayi vo ramatam manah