সূক্ত 55

55.1

সৌমনস্যম্। ১-৩ ব্রহ্ম। ১ বিশ্বে দেবাঃ, ২-৩ রুদ্রঃ। জগতী, ২ ত্রিষ্টুপ্।

যে পন্থানো বহবো দেবয়ানা অন্তরা দ্যাবাপৃথিবী সংচরন্তি ।
তেষামজ্যানিং যতমো বহাতি তস্মৈ মা দেবাঃ পরি ধত্তেহ সর্বে ॥১॥

55.2

গ্রীষ্মো হেমন্তঃ শিশিরো বসন্তঃ শরদ্ বর্ষাঃ স্বিতে নো দধাত ।
আ নো গোষু ভজতা প্রজায়াং নিবাত ইদ্ বঃ শরণে স্যাম ॥২॥

55.3

ইদাবত্সরায় পরিবত্সরায় সংবত্সরায় কৃণুতা বৃহন্নমঃ ।
তেষাং বয়ং সুমতৌ যজ্ঞিয়ানামপি ভদ্রে সৌমনসে স্যাম ॥৩॥