Sukta 55

55.1

Saumanasyam, 1-3 brahma, 1 vishve devah, 2-3 rudrah, jagati, 2 trishtup

ये पन्था॑नो ब॒हवो॑ देव॒याना॑ अन्त॒रा द्यावा॑पृथि॒वी सं॒चर॑न्ति ।
तेषा॒मज्या॑निं यत॒मो वहा॑ति॒ तस्मै॑ मा देवाः॒ परि॑ धत्ते॒ह सर्वे॑ ॥१॥

Ye panthano bahavo devayana antara dyavaprithivi sancharanti
Teshamajyanim yatamo vahati tasmai ma devah pari dhatteha sarve

ग्री॒ष्मो हे॑म॒न्तः शिशि॑रो वस॒न्तः श॒रद् व॒र्षाः स्वि॒ते नो॑ दधात ।
आ नो॒ गोषु॒ भज॒ता प्र॒जायां॑ निवा॒त इद् वः॑ शर॒णे स्या॑म ॥२॥

Grishmo hemantah shishiro vasantah sharad varshah svite no dadhata
A no goshu bhajata prajayam nivata id vah sharane syama

इ॒दा॒व॒त्स॒राय॑ परिवत्स॒राय॑ संवत्स॒राय॑ कृणुता बृ॒हन्नमः॑ ।
तेषां॑ व॒यं सु॑म॒तौ य॒ज्ञिया॑ना॒मपि॑ भ॒द्रे सौ॑मन॒से स्या॑म ॥३॥

Idavatsaraya parivatsaraya sanvatsaraya krinuta brihannamah
Tesham vayam sumatau yagyiyanamapi bhadre saumanase syama