সূক্ত 53

53.1

সর্বতো রক্ষণম্। ১-৩ বৃহচ্ছুক্রঃ। ১ দ্যৌঃ, পৃথিবি, শুক্রঃ, সোমঃ, অগ্নিঃ, বায়ুঃ, সবিতা, ১ ভগঃ, ২ বৈশ্বানরঃ, ৩ ত্বষ্টা। ত্রিষ্টুপ্, ১ জগতী।

দ্যৌশ্চ ম ইদং পৃথিবী চ প্রচেতসৌ শুক্রো বৃহন্ দক্ষিণয়া পিপর্তু ।
অনু স্বধা চিকিতাং সোমো অগ্নির্বায়ুর্নঃ পাতু সবিতা ভগশ্চ ॥১॥

53.2

পুনঃ প্রাণঃ পুনরাত্মা ন ঐতু পুনশ্চক্ষুঃ পুনরসুর্ন ঐতু ।
বৈশ্বানরো নো অদব্ধস্তনূপা অন্তস্তিষ্ঠাতি দুরিতানি বিশ্বা ॥২॥

53.3

সং বর্চসা পয়সা সং তনূভিরগন্মহি মনসা সং শিবেন ।
ত্বষ্টা নো অত্র বরীয়ঃ কৃণোত্বনু নো মার্ষ্টু তন্বো৩য়দ্ বিরিষ্টম্ ॥৩॥