Sukta 53

53.1

Sarvato rakshanam, 1-3 brihachchhukrah, 1 dyauh, prithivi, shukrah, somah, agnih, vayuh, savita, 1 bhagah, 2 vaishvanarah, 3 tvashta, trishtup, 1 jagati

द्यौश्च॑ म इ॒दं पृ॑थि॒वी च॒ प्रचे॑तसौ शु॒क्रो बृ॒हन् दक्षि॑णया पिपर्तु ।
अनु॑ स्व॒धा चि॑कितां॒ सोमो॑ अ॒ग्निर्वा॒युर्नः॑ पातु सवि॒ता भग॑श्च ॥१॥

Dyaushcha ma idam prithivi cha prachetasau shukro brihan dakshinaya pipartu
Anu svadha chikitam somo agnirvayurnah patu savita bhagashcha

53.2

पुनः॑ प्रा॒णः पुन॑रा॒त्मा न॒ ऐतु॒ पुन॒श्चक्षुः॒ पुन॒रसु॑र्न॒ ऐतु॑ ।
वै॒श्वा॒न॒रो नो॒ अद॑ब्धस्तनू॒पा अ॒न्तस्ति॑ष्ठाति दुरि॒तानि॒ विश्वा॑ ॥२॥

Punah pranah punaratma na aitu punashchakshuh punarasurna aitu
Vaishvanaro no adabdhastanupa antastishthati duritani vishva

53.3

सं वर्च॑सा॒ पय॑सा॒ सं त॒नूभि॒रग॑न्महि॒ मन॑सा॒ सं शि॒वेन॑ ।
त्वष्टा॑ नो॒ अत्र॒ वरी॑यः कृणो॒त्वनु॑ नो मार्ष्टु त॒न्वो॒३यद् विरि॑ष्टम् ॥३॥

Sam varchasa payasa sam tanubhiraganmahi manasa sam shivena
Tvashta no atra variyah krinotvanu no marshtu tanvo3yad virishtam