সূক্ত 130

130.1

স্মরঃ। ১-৪ অথর্বাঙ্গিরাঃ। স্মরঃ। অনুষ্টুপ্, ১ বিরাট্ পুরস্তাদ্বৃহতী।

রথজিতাং রাথজিতেয়ীনামপ্সরসাময়ং স্মরঃ ।
দেবাঃ প্র হিণুত স্মরমসৌ মামনু শোচতু ॥১॥

130.2

অসৌ মে স্মরতাদিতি প্রিয়ো মে স্মরতাদিতি ।
দেবাঃ প্র হিণুত স্মরমসৌ মামনু শোচতু ॥২॥

130.3

যথা মম স্মরাদসৌ নামুষ্যাহং কদা চন।
দেবাঃ প্র হিণুত স্মরমসৌ মামনু শোচতু ॥৩॥

130.4

উন্মাদয়ত মরুত উদন্তরিক্ষ মাদয় ।
অগ্ন উন্মাদয়া ত্বমসৌ মামনু শোচতু ॥৪॥