Sukta 130

130.1

Smarah, 1-4 atharvangirah, smarah, anushtup, 1 virat purastadbrihati

र॒थ॒जितां॑ राथजिते॒यीना॑मप्स॒रसा॑म॒यं स्म॒रः ।
देवाः॒ प्र हि॑णुत स्म॒रम॒सौ मामनु॑ शोचतु ॥१॥

Rathajitam rathajiteyinamapsarasamayam smarah
Devah pra hinuta smaramasau mamanu shochatu

अ॒सौ मे॑ स्मरता॒दिति॑ प्रि॒यो मे॑ स्मरता॒दिति॑ ।
देवाः॒ प्र हि॑णुत स्म॒रम॒सौ मामनु॑ शोचतु ॥२॥

Asau me smarataditi priyo me smarataditi
Devah pra hinuta smaramasau mamanu shochatu

यथा॒ मम॒ स्मरा॑द॒सौ नामुष्या॒हं क॒दा च॒न।
देवाः॒ प्र हि॑णुत स्म॒रम॒सौ मामनु॑ शोचतु ॥३॥

Yatha mama smaradasau namushyaham kada chana
Devah pra hinuta smaramasau mamanu shochatu

उन्मा॑दयत मरुत॒ उद॑न्तरिक्ष मादय ।
अग्न॒ उन्मा॑दया॒ त्वम॒सौ मामनु॑ शोचतु ॥४॥

Unmadayata maruta udantariksha madaya
Agna unmadaya tvamasau mamanu shochatu