সূক্ত 108

108.1

মেধাবর্ধনম্। ১-৫ শৌনকঃ। মেধা, ৪ অগ্নিঃ। অনুষ্টুপ্, ২ উরোবৃহতী, ৩ পথ্যবৃহতী।

ত্বং নো মেধে প্রথমা গোভিরশ্বেভিরা গহি ।
ত্বং সূর্যস্য রশ্মিভিস্ত্বং নো অসি যজ্ঞিয়া ॥১॥

108.2

মেধামহং প্রথমাং ব্রহ্মণ্বতীং ব্রহ্মজূতামৃষিষ্টুতাম্।
প্রপীতাং ব্রহ্মচারিভির্দেবানামবসে হুবে ॥২॥

108.3

যাং মেধামৃভবো বিদুর্যাং মেধামসুরা বিদুঃ ।
ঋষয়ো ভদ্রাং মেধাং যাং বিদুস্তাং ময্যা বেশয়ামসি ॥৩॥

108.4

যামৃষয়ো ভূতকৃতো মেধাং মেধাবিনো বিদুঃ ।
তয়া মামদ্য মেধয়াগ্নে মেধাবিনং কৃণু ॥৪॥

108.5

মেধাং সায়ং মেধাং প্রাতর্মেধাং মধ্যন্দিনং পরি ।
মেধাং সূর্যস্য রশ্মিভির্বচসা বেশয়ামহে ॥৫॥