Sukta 108

108.1

Medhavardhanam, 1-5 shaunakah, medha, 4 agnih, anushtup, 2 urobrihati, 3 pathyabrihati

त्वं नो॑ मेधे प्रथ॒मा गोभि॒रश्वे॑भि॒रा ग॑हि ।
त्वं सूर्य॑स्य र॒श्मिभि॒स्त्वं नो॑ असि य॒ज्ञिया॑ ॥१॥

Tvam no medhe prathama gobhirashvebhira gahi
Tvam suryasya rashmibhistvam no asi yagyiya

108.2

मे॒धाम॒हं प्र॑थ॒मां ब्रह्म॑ण्वतीं॒ ब्रह्म॑जूता॒मृषि॑ष्टुताम्।
प्रपी॑तां ब्रह्मचा॒रिभि॑र्दे॒वाना॒मव॑से हुवे ॥२॥

Medhamaham prathamam brahmanvatim brahmajutamrishishtutam
Prapitam brahmacharibhirdevanamavase huve

108.3

यां मे॒धामृ॒भवो॑ वि॒दुर्यां मे॒धामसु॑रा वि॒दुः ।
ऋष॑यो भ॒द्रां मे॒धां यां वि॒दुस्तां मय्या वे॑शयामसि ॥३॥

Yam medhamribhavo viduryam medhamasura viduh
Rishayo bhadram medham yam vidustam mayya veshayamasi

108.4

यामृष॑यो भूत॒कृतो॑ मे॒धां मे॑धा॒विनो॑ वि॒दुः ।
तया॒ माम॒द्य मे॒धयाग्ने॑ मेधा॒विनं॑ कृणु ॥४॥

Yamrishayo bhutakrito medham medhavino viduh
Taya mamadya medhayagne medhavinam krinu

108.5

मे॒धां सा॒यं मे॒धां प्रा॒तर्मे॒धां म॒ध्यन्दि॑नं॒ परि॑ ।
मे॒धां सूर्य॑स्य र॒श्मिभि॒र्वच॒सा वे॑शयामहे ॥५॥

Medham sayam medham pratarmedham madhyandinam pari
Medham suryasya rashmibhirvachasa veshayamahe