সূক্ত 13

13.1

সর্পবিষনাশনম্। ১-১১ গরুত্মান্। তক্ষকঃ। জগতী, ২ আস্তারপঙ্ক্তিঃ, ৪,৭,৮ অনুষ্টপ্, ৫ ত্রিষ্টুপ্, ৬ পথ্যাপঙ্ক্তিঃ. ৯ ভুরিক্, ১০,১১ নিচৃদ্গায়ত্রী।

দদির্হি মহ্যং বরুণো দিবঃ কবির্বচোভিরুগ্রৈর্নি রিণামি তে বিষম্।
খাতমখাতমুত সক্তমগ্রভমিরেব ধন্বন্ নি জজাস তে বিষম্ ॥১॥

যৎ তে অপোদকং বিষং তৎ ত এতাস্বগ্রভম্।
গৃহ্ণামি তে মধ্যমমুত্তমং রসমুতাবমং ভিয়সা নেশদাদু তে ॥২॥

বৃষা মে রবো নভসা ন তন্যতুরুগ্রেণ তে বচসা বাধ আদু তে ।
অহং তমস্য নৃভিরগ্রভং রসং তমস ইব জ্যোতিরুদেতু সূর্যঃ ॥৩॥

চক্ষুষা তে চক্ষুর্হন্মি বিষেণ হন্মি তে বিষম্।
অহে ম্রিয়স্ব মা জীবীঃ প্রত্যগভ্যেঽতু ত্বা বিষম্ ॥৪॥

কৈরাত পৃশ্ন উপতৃণ্য বভ্র আ মে শৃণুতাসিতা অলীকাঃ ।
মা মে সখ্যুঃ স্তামানমপি ষ্ঠাতাশ্রাবয়ন্তো নি বিষে রমধ্বম্ ॥৫॥

অসিতস্য তৈমাতস্য বভ্রোরপোদকস্য চ ।
সাত্রাসাহস্যাহং মন্যোরব জ্যামিব ধন্বনো বি মুঞ্চামি রথাঁ ইব ॥৬॥

আলিগী চ বিলিগী চ পিতা চ মাতা চ ।
বিদ্ম বঃ সর্বতো বন্ধ্বরসাঃ কিং করিষ্যথ ॥৭॥

উরুগূলায়া দুহিতা জাতা দাস্যসিক্ন্যা ।
প্রতঙ্কং দদ্রুষীণাং সর্বাসামরসং বিষম্ ॥৮॥

কর্ণা শ্বাবিৎ তদব্রবীদ্ গিরেরবচরন্তিকা।
যাঃ কাশ্চেমাঃ খনিত্রিমাস্তাসামরসতমং বিষম্ ॥৯॥

তাবুবং ন তাবুবং ন ঘেৎ ত্বমসি তাবুবম্।
তাবুবেনারসং বিষম্ ॥১০॥

তস্তুবং ন তস্তুবং ন ঘেৎ ত্বমসি তস্তুবম্।
তস্তুবেনারসং বিষম্ ॥১১॥