সূক্ত 35

35.1

মৃত্যুসংতরণম্। ১-৭ প্রজাপতিঃ। অতিমৃত্যুঃ। ত্রিষ্টুপ্, ৩ ভুরিগ্জগতী।

বয়মোদনং প্রথমজা ঋতস্য প্রজাপতিস্তপসা ব্রহ্মণেঽপচৎ।
যো লোকানাং বিধৃতির্নাভিরেষাৎ তেনৌদনেনাতি তরাণি মৃত্যুম্ ॥১॥

যেনাতরন্ ভূতকৃতোঽতি মৃত্যুং যমন্ববিদন্ তপসা শ্রমেণ ।
যং পপাচ ব্রহ্মণে ব্রহ্ম পূর্বং তেনৌদনেনাতি তরাণি মৃত্যুম্ ॥২॥

যো দাধার পৃথিবীং বিশ্বভোজসং যো অন্তরিক্ষমাপৃণাদ্ রসেন ।
যো অস্তভ্নাদ্ দিবমূর্ধ্বো মহিম্না তেনৌদনেনাতি তরাণি মৃত্যুম্ ॥৩॥

যস্মান্মাসা নির্মিতাস্ত্রিংশদরাঃ সংবত্সরো যস্মান্নির্মিতো দ্বাদশারঃ ।
অহোরাত্রা যং পরিয়ন্তো নাপুস্তেনৌদনেনাতি তরাণি মৃত্যুম্ ॥৪॥

যঃ প্রাণদঃ প্রাণদবান্ বভূব যস্মৈ লোকা ঘৃতবন্তঃ ক্ষরন্তি ।
জ্যোতিষ্মতীঃ প্রদিশো যস্য সর্বাস্তেনৌদনেনাতি তরাণি মৃত্যুম্ ॥৫॥

যস্মাৎ পক্বাদমৃতং সংবভূব যো গায়ত্র্যা অধিপতির্বভূব ।
যস্মিন্ বেদা নিহিতা বিশ্বরূপাস্তেনৌদনেনাতি তরাণি মৃত্যুম্ ॥৬॥

অব বাধে দ্বিষন্তং দেবপীয়ুং সপত্না যে মেঽপ তে ভবন্তু ।
ব্রহ্মৌদনং বিশ্বজিতং পচামি শৃণ্বন্তু মে শ্রদ্দধানস্য দেবাঃ ॥৭॥