সূক্ত 30

30.1

রাষ্ট্রদেবী । ১- ৮ অথর্বা। সর্বরূপা সর্বাত্মিকা সর্বদেবময়ী বাক্। ত্রিষ্টুপ্, ৬ জগতী।

অহং রুদ্রেভির্বসুভিশ্চরাম্যহমাদিত্যৈরুত বিশ্বদেবৈঃ ।
অহং মিত্রাবরুণোভা বিভর্ম্যহমিন্দ্রাগ্নী অহমশ্বিনোভা ॥১॥

30.2

অহং রাষ্ট্রী সংগমনী বসূনাং চিকিতুষী প্রথমা যজ্ঞিয়ানাম্।
তাং মা দেবা ব্যদধুঃ পুরুত্রা ভূরিস্থাত্রাং ভূর্যাবেশয়ন্তঃ ॥২॥

30.3

অহমেব স্বয়মিদং বদামি জুষ্টং দেবানামুত মানুষাণাম্।
যং কাময়ে তন্তমুগ্রং কৃণোমি তং ব্রহ্মাণং তমৃষিং তং সুমেধাম্ ॥৩॥

30.4

ময়া সোঽন্নমত্তি যো বিপশ্যতি যঃ প্রাণতি য ঈং শৃণোত্যুক্তম্।
অমন্তবো মাং ত উপ ক্ষিয়ন্তি শ্রুধি শ্রুত শ্রুদ্ধেয়ং তে বদামি ॥৪॥

30.5

অহং রুদ্রায় ধনুরা তনোমি ব্রহ্মদ্বিষে শরবে হন্তবা উ ।
অহং জনায় সমদং কৃণোম্যহং দ্যাবাপৃথিবী আ বিবেশ ॥৫॥

30.6

অহং সোমমাহনসং বিভর্ম্যহং ত্বষ্টারমুত পূষণং ভগম্।
অহং দধামি দ্রবিণা হবিষ্মতে সুপ্রাব্যা৩ যজমানায় সুন্বতে ॥৬॥

30.7

অহং সুবে পিতরমস্য মূর্ধন্ মম যোনিরপ্স্ব১ন্তঃ সমুদ্রে।
ততো বি তিষ্ঠে ভুবনানি বিশ্বোতামূং দ্যাং বর্ষ্মণোপ স্পৃশামি ॥৭॥

30.8

অহমেব বাত ইব প্র বাম্যারভমাণা ভুবনানি বিশ্বা ।
পরো দিবা পর এনা পৃথিব্যৌতাবতী মহিম্না সং বভূব ॥৮॥