সূক্ত 3

3.1

শত্রুনাশনম্ ১-৭ অথর্বা । রুদ্রঃ, ব্যাঘ্রঃ । অনুষ্টুপ্, ১ পথ্যাপঙ্ক্তিঃ, ৩ গায়ত্রী, ৭ ককুম্মতীগর্ভোপরিষ্টাদ্ বৃহতী ।

উদিতস্ত্রয়ো অক্রমন্ ব্যাঘ্রঃ পুরুষো বৃকঃ ।
হিরুগ্ঘি যন্তি সিন্ধবো হিরুগ্ দেবো বনস্পতির্হিরুঙ্নমন্তু শত্রবঃ ॥১॥

3.2

পরেণৈতু পথা বৃকঃ পরমেণোত তস্করঃ ।
পরেণ দত্বতী রজ্জুঃ পরেণাঘায়ুরর্ষতু ॥২॥

3.3

অক্ষ্যৌঽচ তে মুখং চ তে ব্যাঘ্র জম্ভয়ামসি ।
আৎ সর্বান্ বিংশতিং নখান্ ॥৩॥

3.4

ব্যাঘ্রং দত্বতাং বয়ং প্রথমং জম্ভয়ামসি ।
আদু ষ্টেনমথো অহিং যাতুধানমথো বৃকম্ ॥৪॥

3.5

যো অদ্য স্তেন আয়তি স সংপিষ্টো অপায়তি ।
পথামপধ্বংসেনৈত্বিন্দ্রো বজ্রেণ হন্তু তম্ ॥৫॥

3.6

মূর্ণা মৃগস্য দন্তা অপিশীর্ণা উ পৃষ্টয়ঃ ।
নিম্রুক্তে গোধা ভবতু নীচায়চ্ছশয়ুর্মৃগঃ ॥৬॥

3.7

যৎ সংয়মো ন বি যমো বি যমো যন্ন সংয়মঃ ।
ইন্দ্রজাঃ সোমজা আথর্বণমসি ব্যাঘ্রজম্ভনম্ ॥৭॥