সূক্ত 25

25.1

কামস্য ইষুঃ। ১-৬ ভৃগুঃ। মিত্রাবরুণৌ, কামেষুঃ। অনুষ্টুপ্।

উত্তুদস্ত্বোৎ তুদতু মা ধৃথাঃ শয়নে স্বে।
ইষুঃ কামস্য যা ভীমা তয়া বিধ্যামি ত্বা হৃদি ॥১॥

আধীপর্ণাং কামশল্যামিষুং সংকল্পকুল্মলাম্।
তাং সুসংনতাং কৃত্বা কামো বিধ্যতু ত্বা হৃদি ॥২॥

যা প্লীহানং শোষয়তি কামস্যেষুঃ সুসংনতা ।
প্রাচীনপক্ষা ব্যোঽষা তয়া বিধ্যামি ত্বা হৃদি ॥৩॥

শুচা বিদ্ধা ব্যোঽষয়া শুষ্কাস্যাভি সর্প মা ।
মৃদুর্নিমন্যুঃ কেবলী প্রিয়বাদিন্যনুব্রতা ॥৪॥

আজামি ত্বাজন্যা পরি মাতুরথো পিতুঃ ।
যথা মম ক্রতাবসো মম চিত্তমুপায়সি ॥৫॥

ব্যঽস্যৈ মিত্রাবরুণৌ হৃদশ্চিত্তান্যস্যতম্।
অথৈনামক্রতুং কৃত্বা মমৈব কৃণুতং বশে ॥৬॥