Utshovসূক্ত 96
96.1
তীব্রস্যাভিবয়সো অস্য পাহি সর্বরথা বি হরী ইহ মুঞ্চ ।
ইন্দ্র মা ত্বা যজমানাসো অন্যে নি রীরমন্ তুভ্যমিমে সুতাসঃ ॥১॥
96.2
তুভ্যং সুতাস্তুভ্যমু সোত্বাসস্ত্বাং গিরঃ শ্বাত্র্যা আ হ্বয়ন্তি ।
ইন্দ্রেদমদ্য সবনং জুষাণো বিশ্বস্য বিদ্বাং ইহ পাহি সোমম্ ॥২॥
96.3
য উশতা মনসা সোমমস্মৈ সর্বহৃদা দেবকামঃ সুনোতি ।
ন গা ইন্দ্রস্তস্য পরা দদাতি প্রশস্তমিচ্চারুমস্মৈ কৃণোতি ॥৩॥
96.4
অনুস্পষ্টো ভবত্যেষো অস্য যো অস্মৈ রেবান্ ন সুনোতি সোমম্।
নিররত্নৌ মঘবা তং দধাতি ব্রহ্মদ্বিষো হন্ত্যনানুদিষ্টঃ ॥৪॥
96.5
অশ্বায়ন্তো গব্যন্তো বাজয়ন্তো হবামহে ত্বোপগন্তবা উ ।
আভূষন্তস্তে সুমতৌ নবায়াং বয়মিন্দ্র ত্বা শুনং হুবেম ॥৫॥
96.6
মুঞ্চামি ত্বা হবিষা জীবনায় কমজ্ঞাতয়ক্ষ্মাদুত রাজয়ক্ষ্মাৎ।
গ্রাহির্জগ্রাহ যদ্যেতদেনং তস্যা ইন্দ্রাগ্নী প্র মুমুক্তমেনম্ ॥৬॥
96.7
যদি ক্ষিতায়ুর্যদি বা পরেতো যদি মৃত্যোরন্তিকং নীঽত এব।
তমা হরামি নিরৃতেরুপস্থাদস্পার্শমেনং শতশারদায় ॥৭॥
96.8
সহস্রাক্ষেণ শতবীর্যেণ শতায়ুষা হবিষাহার্ষমেনম্।
ইন্দ্রো যথৈনং শরদো নয়াত্যতি বিশ্বস্য দুরিতস্য পারম্ ॥৮॥
96.9
শতং জীব শরদো বর্ধমানঃ শতং হেমন্তান্ছতমু বসন্তান্।
শতং ত ইন্দ্রো অগ্নিঃ সবিতা বৃহস্পতিঃ শতায়ুষা হবিষাহার্ষমেনম্ ॥৯॥
96.10
আহার্ষমবিদং ত্বা পুনরাগাঃ পুনর্ণবঃ ।
সর্বাঙ্গ সর্বং তে চক্ষুঃ সর্বমায়ুশ্চ তেঽবিদম্ ॥১০॥
96.11
ব্রহ্মণাগ্নিঃ সম্বিদানো রক্ষোহা বাধতামিতঃ ।
অমীবা যস্তে গর্ভং দুর্ণামা যোনিমাশয়ে ॥১১॥
96.12
যস্তে গর্ভমমীবা দুর্ণামা যোনিমাশয়ে ।
অগ্নিষ্টং ব্রহ্মণা সহ নিষ্ক্রব্যাদমনীনশৎ ॥১২॥
96.13
যস্তে হন্তি পতয়ন্তং নিষত্স্নুং যঃ সরীসৃপম্।
জাতং যস্তে জিঘাংসতি তমিতো নাশয়ামসি ॥১৩॥
96.14
যস্ত ঊরূ বিহরত্যন্তরা দম্পতী শয়ে ।
যোনিং যো অন্তরারেল্হি তমিতো নাশয়ামসি ॥১৪॥
96.15
যস্ত্বা ভ্রাতা পতির্ভূত্বা জারো ভূত্বা নিপদ্যতে ।
প্রজাং যস্তে জিঘাংসতি তমিতো নাশয়ামসি ॥১৫॥
96.16
যস্ত্বা স্বপ্নেন তমসা মোহয়িত্বা নিপদ্যতে ।
প্রজাং যস্তে জিঘাংসতি তমিতো নাশয়ামসি ॥১৬॥
96.17
অক্ষীভ্যাং তে নাসিকাভ্যাং কর্ণাভ্যাং ছুবুকাদধি ।
যক্ষ্মং শীর্ষণ্যং মস্তিষ্কাজ্জিহ্বায়া বি বৃহামি তে ॥১৭॥
96.18
গ্রীবাভ্যস্ত উষ্ণিহাভ্যঃ কীকসাভ্যো অনূক্যাঽৎ।
যক্ষ্মং দোষণ্য১মংসাভ্যাং বাহুভ্যাং বি বৃহামি তে ॥১৮॥
96.19
হৃদয়াৎ তে পরি ক্লোম্নো হলীক্ষ্ণাৎ পার্শ্বাভ্যাম্।
যক্ষ্মং মতস্নাভ্যাং প্লীহ্নো যক্নস্তে বি বৃহামসি ॥১৯॥
96.20
আন্ত্রেভ্যস্তে গুদাভ্যো বনিষ্ঠোরুদরাদধি ।
যক্ষ্মং কুক্ষিভ্যাং প্লাশের্নাভ্যা বি বৃহামি তে ॥২০॥
96.21
ঊরুভ্যাং তে অষ্ঠীবদ্ভ্যাং পার্ষ্ণিভ্যাং প্রপদাভ্যাম্।
যক্ষ্মং ভসদ্যং১ শ্রোণিভ্যাং ভাসদং ভংসসো বি বৃহামি তে ॥২১॥
96.22
অস্থিভ্যস্তে মজ্জভ্যঃ স্নাবভ্যো ধমনিভ্যঃ
যক্ষ্মং পাণিভ্যামঙ্গুলিভ্যো নখেভ্যো বি বৃহামি তে ॥২২॥
96.23
অঙ্গেঅঙ্গে লোম্নিলোম্নি যস্তে পর্বণিপর্বণি ।
যক্ষং ত্বচস্যং তে বয়ং কশ্যপস্য বীবর্হেণ বিষ্বঞ্চং বি বৃহামসি ॥২৩॥
96.24
অপেহি মনসস্পতেঽপ ক্রাম পরশ্চর ।
পরো নিরৃত্যা আ চক্ষ্ব বহুধা জীবতো মনঃ ॥২৪॥