Utshovসূক্ত 93
93.1
উৎ ত্বা মন্দন্তু স্তোমাঃ কৃণুষ্ব রাধো অদ্রিবঃ । অব ব্রহ্মদ্বিষো জহি ॥১॥
93.2
পদা পণীংররাধসো নি বাধস্ব মহাং অসি । নহি ত্বা কশ্চন প্রতি ॥২॥
93.3
ত্বমীশিষে সুতানামিন্দ্র ত্বমসুতানাম্। ত্বং রাজা জনানাম্ ॥৩॥
93.4
ঈঙ্খয়ন্তীরপস্যুব ইন্দ্রং জাতমুপাসতে । ভেজানাসঃ সুবীর্যম্ ॥৪॥
93.5
ত্বমিন্দ্র বলাদধি সহসো জাত ওজসঃ । ত্বং বৃষন্ বৃষেদসি ॥৫॥
93.6
ত্বমিন্দ্রাসি বৃত্রহা ব্য১ন্তরিক্ষমতিরঃ । উদ্ দ্যামস্তভ্না ওজসা ॥৬॥
93.7
ত্বমিন্দ্র সজোষসমর্কং বিভর্ষি বাহ্বোঃ । বজ্রং শিশান ওজসা ॥৭॥
93.8
ত্বমিন্দ্রাভিভূরসি বিশ্বা জাতান্যোজসা । স বিশ্বা ভুব আভবঃ ॥৮॥
93.9
By Dr. Sachchidanand Pathak, U.P. Sanskrit Sansthan, Lucknow, India.
অভি প্র গোপতিং গিরেন্দ্রমর্চ যথা বিদে। সূতুং সত্যস্য সত্পতিম্ ॥১॥
93.10
আ হরয়ঃ সসৃজ্রিরেঽরুষীরধি বর্হিষি । যত্রাভি সংনবামহে ॥২॥
93.11
ইন্দ্রায় গাব আশিরং দুদুহ্রে বজ্রিণে মধু । যৎ সীমুপহ্বরে বিদৎ ॥৩॥
93.12
উদ্ যদ্ ব্রধ্নস্য বিষ্টপং গৃহমিন্দ্রশ্চ গন্বহি ।
মধ্বঃ পীত্বা সচেবহি ত্রিঃ সপ্ত সখ্যুঃ পদে ॥৪॥
93.13
অর্চত প্রার্চত প্রিয়মেধাসো অর্চত । অর্চন্তু পুত্রকা উত পুরং ন ধৃষ্ণ্বঽর্চত ॥৫॥
93.14
অব স্বরাতি গর্গরো গোধা পরি সনিষ্বণৎ।
পিঙ্গা পরি চনিষ্কদদিন্দ্রায় ব্রহ্মোদ্যতম্ ॥৬॥
93.15
আ যৎ পতন্ত্যেন্যঃ সুদুঘা অনপস্ফুরঃ ।
অপস্ফুরং গৃভায়ত সোমমিন্দ্রায় পাতবে ॥৭॥
93.16
অপাদিন্দ্রো অপাদগ্নির্বিশ্বে দেবা অমত্সত ।
বরুণ ইদিহ ক্ষয়ৎ তমাপো অভ্যঽনূষত বত্সং সংশিশ্বরীরিব ॥৮॥
93.17
সুদেবো অসি বরুণ যস্য তে সপ্ত সিন্ধবঃ ।
অনুক্ষরন্তি কাকুদং সূর্যং সুষিরামিব ॥৯॥
93.18
যো ব্যতীংরফাণয়ৎ সুয়ুক্তাং উপ দাশুষে ।
তক্বো নেতা তদিদ্ বপুরুপমা যো অমুচ্যত ॥১০॥
93.19
অতীদু শক্র ওহত ইন্দ্রো বিশ্বা অতি দ্বিষঃ ।
ভিনৎ কনীন ওদনং পচ্যমানং পরো গিরা ॥১১॥
93.20
অর্ভকো ন কুমারকোঽধি তিষ্ঠন্নবং রথম্।
স পক্ষন্মহিষং মৃগং পিত্রে মাত্রে বিভুক্রতুম্ ॥১২॥
93.21
আ তূ সুশিপ্র দংপতে রথং তিষ্ঠা হিরণ্যয়ম্।
অধ দ্যুক্ষং সচেবহি সহস্রপাদমরুষং স্বস্তিগামনেহসম্ ॥১৩॥
93.22
তং ঘেমিত্থা নমস্বিন উপ স্বরাজমাসতে ।
অর্থং চিদস্য সুধিতং যদেতব আবর্তয়ন্তি দাবনে ॥১৪॥
93.23
অনু প্রত্নস্যৌকসঃ প্রিয়মেধাস এষাম্।
পূর্বামনু প্রয়তিং বৃক্তবর্হিষো হিতপ্রয়স আশত ॥১৫॥
93.24
যো রাজা চর্ষণীনাং যাতা রথেভিরধ্রিগুঃ ।
বিশ্বাসাং তরুতা পৃতনানাং জ্যেষ্ঠো যো বৃত্রহা গৃণে ॥১৬॥
93.25
ইন্দ্রং তং শুম্ভ পুরুহন্মন্নবসে যস্য দ্বিতা বিধর্তরি ।
হস্তায় বজ্রঃ প্রতি ধায়ি দর্শতো মহো দিবে ন সূর্যঃ ॥১৭॥
93.26
নকিষ্টং কর্মণা নশদ্ যশ্চকার সদাবৃধম্।
ইন্দ্রং ন যজ্ঞৈর্বিশ্বগূর্তমৃভ্বসমধৃষ্টং ধৃষ্ণ্বোঽজসম্ ॥১৮॥
93.27
অষাল্হমুগ্রং পৃতনাসু সাসহিং যস্মিন্ মহীরুরুজ্রয়ঃ ।
সং ধেনবো জায়মানে অনোনবুর্দ্যাবঃ ক্ষামো অনোনবুঃ ॥১৯॥
93.28
যদ্ দ্যাব ইন্দ্র তে শতং শতং ভূমীরুত স্যুঃ ।
ন ত্বা বজ্রিন্ত্সহস্রং সূর্যা অনু ন জাতমষ্ট রোদসী ॥২০॥
93.29
আ পপ্রাথ মহিনা বৃষ্ণ্যা বৃষন্ বিশ্বা শবিষ্ঠ শবসা ।
অস্মাং অব মঘবন্ গোমতি ব্রজে বজ্রিং চিত্রাভিরূতিভিঃ ॥২১॥