সূক্ত 57

57.1

সুরূপকৃত্নুমূতয়ে সুদুঘামিব গোদুহে ।জুহূমসি দ্যবিদ্যবি ॥১॥

উপ নঃ সবনা গহি সোমস্য সোমপাঃ পিব । গোদা ইদ্ রেবতো মদঃ ॥২॥

অথা তে অন্তমানাং বিদ্যাম সুমতীনাম্। মা নো অতি খ্য আ গহি ॥৩॥

শুষ্মিন্তমং ন ঊতয়ে দ্যুম্নিনং পাহি জাগৃবিম্। ইন্দ্র সোমং শতক্রতো ॥৪॥

ইন্দ্রিয়াণি শতক্রতো যা তে জনেষু পঞ্চসু । ইন্দ্র তানি ত আ বৃণে ॥৫॥

অগন্নিন্দ্র শ্রবো বৃহদ্ দ্যুম্নং দধিষ্ব দুষ্টরম্। উৎ তে শুষ্মং তিরামসি ॥৬॥

অর্বাবতো ন আ গহ্যথো শক্র পরাবতঃ । উ লোকো যস্তে অদ্রিব ইন্দ্রেহ তত আ গহি ॥৭॥

ইন্দ্রো অঙ্গ মহদ্ ভয়মভী ষদপ চুচ্যবৎ। স হি স্থিরো বিচর্ষণিঃ ॥৮॥

ইন্দ্রশ্চ মৃলয়াতি নো ন নঃ পশ্চাদঘং নশৎ। ভদ্রং ভবাতি নঃ পুরঃ ॥৯॥

ইন্দ্র আশাভ্যস্পরি সর্বাভ্যো অভয়ং করৎ। জেতা শত্রূন্ বিচর্ষণিঃ ॥১০॥

ক ঈং বেদ সুতে সচা পিবন্তং কদ্ বয়ো দধে ।
অয়ং যঃ পুরো বিভিনত্ত্যোজসা মন্দানঃ শিপ্র্যন্ধসঃ ॥১১॥

দানা মৃগো ন বারণঃ পুরুত্রা চরথং দধে ।
নকিষ্ট্বা নি যমদা সুতে গমো মহাংশ্চরস্যোজসা ॥১২॥

য উগ্রঃ সন্ননিষ্টৃত স্থিরো রণায় সংস্কৃতঃ ।
যদি স্তোতুর্মঘবা শৃণবদ্ধবং নেন্দ্রো যোষত্যা গমৎ ॥১৩॥

বয়ং ঘ ত্বা সুতাবন্ত আপো ন বৃক্তবর্হিষঃ ।
পবিত্রস্য প্রস্রবণেষু বৃত্রহন্ পরি স্তোতার আসতে ॥১৪॥

স্বরন্তি ত্বা সুতে নরো বসো নিরেক উক্থিনঃ ।
কদা সুতং তৃষাণ ওক আ গম ইন্দ্র স্বব্দীব বংসগঃ ॥১৫॥

কণ্বেভির্ধৃষ্ণবা ধৃষদ্ বাজং দর্ষি সহস্রিণম্।
পিশঙ্গরূপং মঘবন্ বিচর্ষণে মক্ষূ গোমন্তমীমহে ॥১৬॥