সূক্ত 5

5.1

১-৭ ইরিম্বিঠিঃ। ইন্দ্রঃ। গায়ত্রী।

অয়মু ত্বা বিচর্ষণে জনীরিবাভি সংবৃতঃ । প্র সোম ইন্দ্র সর্পতু ॥১॥

5.2

তুবিগ্রীবো বপোদরঃ সুবাহুরন্ধসো মদে । ইন্দ্রো বৃত্রাণি জিঘ্নতে ॥২॥

5.3

ইন্দ্র প্রেহি পুরস্ত্বং বিশ্বস্যেশান ওজসা ।বৃত্রাণি বৃত্রহং জহি ॥৩॥

5.4

দীর্ঘস্তে অস্ত্বঙ্কুশো যেনা বসু প্রয়চ্ছসি । যজমানায় সুন্বতে ॥৪॥

5.5

অয়ং ত ইন্দ্র সোমো নিপূতো অধি বর্হিষি । এহীমস্য দ্রবা পিব ॥৫॥

5.6

শাচিগো শাচিপূজনায়ং রণায় তে সুতঃ। আখণ্ডল প্র হূয়সে ॥৬॥

5.7

যস্তে শৃঙ্গবৃষো নপাৎ প্রণপাৎ কুণ্ডপায্যঃ । ন্যস্মিন্দধ্র আ মনঃ ॥৭॥