Sukta 5

5.1

1-7 irimbithih, indrah, gayatri

अ॒यमु॑ त्वा विचर्षणे॒ जनी॑रिवा॒भि संवृ॑तः । प्र सोम॑ इन्द्र सर्पतु ॥१॥

Ayamu tva vicharshane janirivabhi sanvritah, pra soma indra sarpatu

तु॒वि॒ग्रीवो॑ व॒पोद॑रः सुबा॒हुरन्ध॑सो॒ मदे॑ । इन्द्रो॑ वृ॒त्राणि॑ जिघ्नते ॥२॥

Tuvigrivo vapodarah subahurandhaso made, indro vritrani jighnate

इन्द्र॒ प्रेहि॑ पु॒रस्त्वं विश्व॒स्येशा॑न॒ ओज॑सा ।वृ॒त्राणि॑ वृत्रहं जहि ॥३॥

Indra prehi purastvam vishvasyeshana ojasa, vritrani vritraham jahi

दी॒र्घस्ते॑ अस्त्वङ्कु॒शो येना॒ वसु॑ प्र॒यच्छ॑सि । यज॑मानाय सुन्व॒ते ॥४॥

Dirghaste astvankusho yena vasu prayachchhasi, yajamanaya sunvate

अ॒यं त॑ इन्द्र॒ सोमो॒ निपू॑तो॒ अधि॑ ब॒र्हिषि॑ । एही॑म॒स्य द्रवा॒ पिब॑ ॥५॥

Ayam ta indra somo niputo adhi barhishi, ehimasya drava piba

शाचि॑गो॒ शाचि॑पूजना॒यं रणा॑य ते सु॒तः। आख॑ण्डल॒ प्र हू॑यसे ॥६॥

Shachigo shachipujanayam ranaya te sutah, akhandala pra huyase

यस्ते॑ शृङ्गवृषो नपा॒त् प्रण॑पात् कुण्ड॒पाय्यः॑ । न्यस्मिन्दध्र॒ आ मनः॑ ॥७॥

Yaste shringavrisho napat pranapat kundapayyah, nyasmindadhra a manah