সূক্ত 143

143.1

তং বাং রথং বয়মদ্যা হুবেম পৃথুজ্রয়মশ্বিনা সংগতিং গোঃ ।
যঃ সূর্যাং বহতি বন্ধুরায়ুর্গির্বাহসং পুরুতমং বসূয়ুম্ ॥১॥

যুবং শ্রিয়মশ্বিনা দেবতা তাং দিবো নপাতা বনথঃ শচীভিঃ ।
যুবোর্বপুরভি পৃক্ষঃ সচন্তে বহন্তি যত্ককুহাসো রথে বাম্ ॥২॥

কো বামদ্যা করতে রাতহব্য ঊতয়ে বা সুতপেয়ায় বার্কৈঃ ।
ঋতস্য বা বনুষে পূর্ব্যায় নমো যেমানো অশ্বিনা ববর্তৎ ॥৩॥

হিরণ্যয়েন পুরুভূ রথেনেমং যজ্ঞং নাসত্যোপ যাতম্।
পিবাথ ইন্মধুনঃ সোম্যস্য দধথো রত্নং বিধতে জনায় ॥৪॥

আ নো যাতং দিবো অচ্ছা পৃথিব্যা হিরণ্যয়েন সুবৃতা রথেন ।
মা বামন্যে নি যমন্দেবয়ন্তঃ সং যদ্দদে নাভিঃ পূর্ব্যা বাম্ ॥৫॥

নূ নো রয়িং পুরুবীরং বৃহন্তং দস্রা মিমাথামুভয়েষ্বস্মে।
নরো যদ্বামশ্বিনা স্তোমমাবন্ত্সধস্তুতিমাজমীল্হাসো অগ্মন্ ॥৬॥

ইহেহ যদ্বাং সমনা পপৃক্ষে সেয়মস্মে সুমতির্বাজরত্না ।
উরুষ্যতং জরিতারং যুবং হ শ্রিতঃ কামো নাসত্যা যুবদ্রিক্ ॥৭॥

মধুমতীরোষধীর্দ্যাব আপো মধুমন্নো ভবত্বন্তরিক্ষম্।
ক্ষেত্রস্য পতির্মধুমান্নো অস্ত্বরিষ্যন্তো অন্বেনং চরেম ॥৮॥

পনায্যং তদশ্বিনা কৃতং বাং বৃষভো দিবো রজসঃ পৃথিব্যাঃ ।
সহস্রং শংসা উত যে গবিষ্টৌ সর্বাঁ ইত্তাঁ উপ যাতা পিবধ্যৈ ॥৯॥