সূক্ত 1

1.1

পরমং ধাম ১-৫ বেনঃ। ব্রহ্ম, আত্মা। ত্রিষ্টুপ্, ৩ জগতী।

বেনস্তৎ পশ্যৎ পরমং গুহা যদ্ যত্র বিশ্বং ভবত্যেকরূপম্।
ইদং পৃশ্নিরদুহজ্জায়মানাঃ স্বর্বিদো অভ্যঽনূষত ব্রাঃ ॥১॥

1.2

প্র তদ্ বোচেদমৃতস্য বিদ্বান্ গন্ধর্বো ধাম পরমং গুহা যৎ।
ত্রীণি পদানি নিহিতা গুহাস্য যস্তানি বেদ স পিতুষ্পিতাসৎ ॥২॥

1.3

স নঃ পিতা জনিতা স উত বন্ধুর্ধামানি বেদ ভুবনানি বিশ্বা ।
যো দেবানাং নামধ এক এব তং সংপ্রশ্নং ভুবনা যন্তি সর্বা ॥৩॥

1.4

পরি দ্যাবাপৃথিবী সদ্য আয়মুপাতিষ্ঠে প্রথমজামৃতস্য ।
বাচমিব বক্তরি ভুবনেষ্ঠা ধাস্যুরেষ নন্বে৩ষো অগ্নিঃ ॥৪॥

1.5

পরি বিশ্বা ভুবনান্যায়মৃতস্য তন্তুং বিততং দৃশে কম্।
যত্র দেবা অমৃতমানশানাঃ সমানে যোনাবধ্যৈরয়ন্ত ॥৫॥