সূক্ত 58

58.1

যজ্ঞঃ। ১-৬ ব্রহ্মা। যজ্ঞঃ, বহুদৈবত্যম্। ত্রিষ্টুপ্, ২ পুরোঽনুষ্টুপ্, ৩ চতুষ্পদাঽতিশক্বরী, ৫ ভুরিক্।

ঘৃতস্য জূতিঃ সমনা সদেবা সংবত্সরং হবিষা বর্ধয়ন্তী ।
শ্রোত্রং চক্ষুঃ প্রাণোচ্ছিন্নো নো অস্ত্বচ্ছিন্না বয়মায়ুষো বর্চসঃ ॥১॥

58.2

উপাস্মান্ প্রাণো হ্বয়তামুপ বয়ং প্রাণং হবামহে ।
বর্চো জগ্রাহ পৃথিব্য১ন্তরিক্ষং বর্চঃ সোমো বৃহস্পতির্বিধত্তা ॥২॥

58.3

বর্চসো দ্যাবাপৃথিবী সংগ্রহণী বভূবথুর্বর্চো গৃহীত্বা পৃথিবীমনু সং চরেম ।
যশসং গাবো গোপতিমুপ তিষ্ঠন্ত্যায়তীর্যশো গৃহীত্বা পৃথিবীমনু সং চরেম ॥৩॥

58.4

ব্রজং কৃণুধ্বং স হি বো নৃপাণো বর্মা সীব্যধ্বং বহুলা পৃথূনি ।
পুরঃ কৃণুধ্বমায়সীরধৃষ্টা মা বঃ সুস্রোচ্চমসো দৃংহতা তম্ ॥৪॥

58.5

যজ্ঞস্য চক্ষুঃ প্রভৃতির্মুখং চ বাচা শ্রোত্রেণ মনসা জুহোমি ।
ইমং যজ্ঞং বিততং বিশ্বকর্মণা দেবা যন্তু সুমনস্যমানাঃ ॥৫॥

58.6

যে দেবানামৃত্বিজো যে চ যজ্ঞিয়া যেভ্যো হব্যং ক্রিয়তে ভাগধেয়ম্।
ইমং যজ্ঞং সহ পত্নীভিরেত্য যাবন্তো দেবাস্তবিষা মাদয়ন্তাম্ ॥৬॥