সূক্ত 24

24.1

রাষ্ট্রম্। ১-৮ অথর্বা। ব্রহ্মণস্পতিঃ, বহুদৈবত্যম্। অনুষ্টুপ্, ৪-৬, ৮ ত্রিষ্টুপ্, ৭ ত্রিপদাঽর্ষী গায়ত্রী।

যেন দেবং সবিতারং পরি দেবা অধারয়ন্।
তেনেমং ব্রহ্মণস্পতে পরি রাষ্ট্রায় ধত্তন ॥১॥

24.2

পরীমমিন্দ্রমায়ুষে মহে ক্ষত্রায় ধত্তন ।
যথৈনং জরসে নয়াং জ্যোক্ ক্ষত্রেঽধি জাগরৎ ॥২॥

24.3

পরীমং সোমমায়ুষে মহে শ্রোত্রায় ধত্তন ।
যথৈনং জরসে নয়াং জ্যোক্ ক্ষত্রেঽধি জাগরৎ ॥৩॥

24.4

পরি ধত্ত ধত্ত নো বর্চসেমং জরামৃত্যুং কৃণুত দীর্ঘমায়ুঃ ।
বৃহস্পতিঃ প্রায়চ্ছদ্ বাস এতৎ সোমায় রাজ্ঞে পরিধাতবা উ ॥৪॥

24.5

জরাং সু গচ্ছ পরি ধত্স্ব বাসো ভবা গৃষ্টীনামভিশস্তিপা উ ।
শতং চ জীব শরদঃ পুরূচী রায়শ্চ পোষমুপসংব্যয়স্ব ॥৫॥

24.6

পরীদং বাসো অধিথাঃ স্বস্তয়েঽভূর্বাপীনামভিশস্তিপা উ ।
শতং চ জীব শরদঃ পুরূচীর্বসূনি চারুর্বি ভজাসি জীবন্ ॥৬॥

24.7

যোগেয়োগে তবস্তরং বাজেবাজে হবামহে ।
সখায় ইন্দ্রমূতয়ে ॥৭॥

24.8

হিরণ্যবর্ণো অজরঃ সুবীরো জরামৃত্যুঃ প্রজয়া সং বিশস্ব ।
তদগ্নিরাহ তদু সোম আহ বৃহস্পতিঃ সবিতা তদিন্দ্রঃ ॥৮॥