সূক্ত 11

11.1

শান্তিঃ। ১-৬ বসিষ্ঠঃ। বহুদৈবত্যম্। ত্রিষ্টুপ্।

শং নঃ সত্যস্য পতয়ো ভবন্তু শং নো অর্বন্তঃ শমু সন্তু গাবঃ ।
শং ন ঋভবঃ সুকৃতঃ সুহস্তাঃ শং নো ভবতু পিতরো হবেষু ॥১॥

11.2

শং নো দেবা বিশ্বদেবা ভবন্তু শং সরস্বতী সহ ধীভিরস্তু ।
শমভিষাচঃ শমু রাতিষাচঃ শং নো দিব্যাঃ পার্থিবাঃ শং নো অপ্যাঃ ॥২॥

11.3

শং নো অজ একপাদ্ দেবো অস্তু শমহির্বুধ্ন্যঃ১ শং সমুদ্রঃ ।
শং নো অপাং নপাৎ পেরুরস্তু শং নঃ পৃশ্নির্ভবতু দেবগোপা ॥৩॥

11.4

আদিত্যা রুদ্রা বসবো জুষন্তামিদং ব্রহ্ম ক্রিয়মাণং নবীয়ঃ ।
শৃণ্বন্তু নো দিব্যাঃ পার্থিবাসো গোজাতা উত যে যজ্ঞিয়াসঃ ॥৪॥

11.5

যে দেবানামৃত্বিজো যজ্ঞিয়াসো মনোর্যজত্রা অমৃতা ঋতজ্ঞাঃ ।
তে নো রাসন্তামুরুগায়মদ্য যূয়ং পাত স্বস্তিভিঃ সদা নঃ ॥৫॥

11.6

তদস্তু মিত্রাবরুণা তদগ্নে শং যোরস্মভ্যমিদমস্তু শস্তম্।
অশীমহি গাধমুত প্রতিষ্ঠাং নমো দিবে বৃহতে সাদনায় ॥৬॥