সূক্ত 7

7.1

১-১৩ যমঃ। দুঃষ্বপ্ননাশনং, উষা। ১ পঙ্ক্তিঃ, ২ সাম্নী অনুষ্টুপ্, ৩ আসুরী উষ্ণিক্, ৪ প্রাজাপত্যা গায়ত্রী, ৫ আর্চী উষ্ণিক্ ৬, ৯, ১১ সাম্নী বৃহতী, ৭ যাজুষী গায়ত্রী, ৮ প্রাজাপত্যা বৃহতী, ১০ সাম্নী গায়ত্রী ১২ ভুরিক্ প্রাজাপত্যাঽনুষ্টুপ্, ১৩ আসুরী ত্রিষ্টুপ্।

তেনৈনং বিধ্যাম্যভূত্যৈনং বিধ্যামি নির্ভূত্যৈনং বিধ্যামি পরাভূত্যৈনং বিধ্যামি গ্রাহ্যৈনং বিধ্যামি তমসৈনং বিধ্যামি ॥১॥

7.2

দেবানামেনং ঘোরৈঃ ক্রূরৈঃ প্রৈষৈরভিপ্রেষ্যামি ॥২॥

7.3

বৈশ্বানরস্যৈনং দংষ্ট্রয়োরপি দধামি ॥৩॥

7.4

এবানেবাব সা গরৎ ॥৪॥

7.5

যো৩স্মান্ দ্বেষ্টি তমাত্মা দ্বেষ্টু যং বয়ং দ্বিষ্মঃ স আত্মানং দ্বেষ্টু ॥৫॥

7.6

নির্দ্বিষন্তং দিবো নিঃ পৃথিব্যা নিরন্তরিক্ষাদ্ ভজাম ॥৬॥

7.7

সুয়ামংশ্চাক্ষুষ ॥৭॥

7.8

ইদমহমামুষ্যায়ণে৩মুষ্যাঃ পুত্রে দুষ্বপ্ন্যং মৃজে ॥৮॥

7.9

যদদোঅদো অভ্যগচ্ছন্ যদ্ দোষা যৎ পূর্বাং রাত্রিম্ ॥৯॥

7.10

যজ্জাগ্রদ্ যৎ সুপ্তো যদ্ দিবা যন্নক্তম্ ॥১০॥

7.11

যদহরহরভিগচ্ছামি তস্মাদেনমব দয়ে ॥১১॥

7.12

তং জহি তেন মন্দস্ব তস্য পৃষ্টীরপি শৃণীহি ॥১২॥

7.13

স মা জীবীৎ তং প্রাণো জহাতু ॥১৩॥