সূক্ত 6

6.1

১-১১ যমঃ। দুঃষ্বপ্ননাশনং,উষা। ১-৪ প্রাজাপত্যাঽনুষ্টুপ্, ৫ সাম্নী পঙ্ক্তিঃ ৬ নিচৃদার্ষী বৃহতী, ৭ দ্বিপদা সাম্নী বৃহতী, ৮ আসুরী জগতী, ৯ আসুরী বৃহতী, ১০ আর্চী উষ্ণিক্, ১১ ত্রিপদা যবমধ্যা গায়ত্রী বা আর্চী অনুষ্টুপ্।

অজৈষ্মাদ্যাসনামাদ্যাভূমানাগসো বয়ম্ ॥১॥

6.2

উষো যস্মাদ্ দুষ্বপ্ন্যাদভৈষ্মাপ তদুচ্ছতু ॥২॥

6.3

দ্বিষতে তৎ পরা বহ শপতে তৎ পরা বহ ॥৩॥

6.4

যং দ্বিষ্মো যশ্চ নো দ্বেষ্টি তস্মা এনদ্ গময়ামঃ ॥৪॥

6.5

উষা দেবী বাচা সংবিদানা বাগ্ দেব্যু১ষসা সংবিদানা ॥৫॥

6.6

উষস্পতির্বাচস্পতিনা সংবিদানো বাচস্পতিরুষস্পতিনা সংবিদানঃ ॥৬॥

6.7

তে৩মুষ্মৈ পরা বহন্ত্বরায়ান্ দুর্ণাম্নঃ সদান্বাঃ ॥৭॥

6.8

কুম্ভীকাঃ দূষীকাঃ পীয়কান্ ॥৮॥

6.9

জাগ্রদ্দুষ্বপ্ন্যং স্বপ্নেদুষ্বপ্ন্যম্ ॥৯॥

6.10

অনাগমিষ্যতো বরানবিত্তেঃ সংকল্পানমুচ্যা দ্রুহঃ পাশান্ ॥১০॥

6.11

তদমুষ্মা অগ্নে দেবাঃ পরা বহন্তু বঘ্রির্যথাসদ্ বিথুরো ন সাধুঃ ॥১১॥