সূক্ত 1

1.1

দুঃখমোচনম্। ১-১৩ অথর্বা। প্রজাপতিঃ (নব পর্যায়াঃ)। ১, ৩ দ্বিপদা সাম্নী বৃহতী, ২, ১০ যাজুষী ত্রিষ্টুপ্, ৪ আসুরী গায়ত্রী, ৫, ৮ সাম্নী পঙ্ক্তিঃ (৫ দ্বিপদা), ৬ সাম্নী অনুষ্টুপ্, ৭ নিচৃদ্ বিরাড্ গায়ত্রী, ৯ আসুরী পঙ্ক্তিঃ, ১১ সাম্নী উষ্ণিক্, ১২-১৩ আর্চী অনুষ্টুপ্।

অতিসৃষ্টো অপাং বৃষভোঽতিসৃষ্টা অগ্নয়ো দিব্যাঃ ॥১॥

1.2

রুজন্ পরিরুজন্ মৃণন্ প্রমৃণন্ ॥২॥

1.3

ম্রোকো মনোহা খনো নির্দাহ আত্মদূষিস্তনূদূষিঃ ॥৩॥

1.4

ইদং তমতি সৃজামি তং মাভ্যবনিক্ষি ॥৪॥

1.5

তেন তমভ্যতিসৃজামো যো৩ঽস্মান্ দ্বেষ্টি যং বয়ং দ্বিষ্মঃ ॥৫॥

1.6

অপামগ্রমসি সমুদ্রং বোঽভ্যবসৃজামি ॥৬॥

1.7

যো৩প্স্ব১গ্নিরতি তং সৃজামি ম্রোকং খনিং তনূদূষিম্ ॥৭॥

1.8

যো ব আপোঽগ্নিরাবিবেশ স এষ যদ্ বো ঘোরং তদেতৎ ॥৮॥

1.9

ইন্দ্রস্য ব ইন্দ্রিয়েণাভি ষিঞ্চেৎ ॥৯॥

1.10

অরিপ্রা আপো অপ রিপ্রমস্মৎ ॥১০॥

1.11

প্রাস্মদেনো বহন্তু প্র দুষ্বপ্ন্যং বহন্তু ॥১১॥

1.12

শিবেন মা চক্ষুষা পশ্যতাপঃ শিবয়া তন্বোপ স্পৃশত ত্বচং মে ॥১২॥

1.13

শিবানগ্নীনপ্সুষদো হবামহে ময়ি ক্ষত্রং বর্চ আ ধত্ত দেবীঃ ॥১৩॥