Sukta 1

1.1

Duhkhamochanam, 1-13 atharva, prajapatih (nava paryayah), 1, 3 dvipada samni brihati, 2, 10 yajushi trishtup, 4 asuri gayatri, 5, 8 samni panktih (5 dvipada), 6 samni anushtup, 7 nichrid virad gayatri, 9 asuri panktih, 11 samni ushnik, 12-13 archi anushtup

अति॑सृष्टो अ॒पां वृ॑ष॒भोऽति॑सृष्टा अ॒ग्नयो॑ दि॒व्याः ॥१॥

Atisrishto apam vrishabhotisrishta agnayo divyah

1.2

रु॒जन् प॑रिरु॒जन् मृ॒णन् प्र॑मृ॒णन् ॥२॥

Rujan parirujan mrinan pramrinan

1.3

म्रो॒को म॑नो॒हा ख॒नो नि॑र्दा॒ह आ॑त्म॒दूषि॑स्तनू॒दूषिः॑ ॥३॥

Mroko manoha khano nirdaha atmadushistanudushih

1.4

इ॒दं तमति॑ सृजामि॒ तं माभ्यव॑निक्षि ॥४॥

Idam tamati srijami tam mabhyavanikshi

1.5

तेन॒ तम॒भ्यति॑सृजामो॒ यो॒३ऽस्मान् द्वेष्टि॒ यं व॒यं द्वि॒ष्मः ॥५॥

Tena tamabhyatisrijamo yo3sman dveshti yam vayam dvishmah

1.6

अ॒पामग्र॑मसि समु॒द्रं वो॒ऽभ्यव॑सृजामि ॥६॥

Apamagramasi samudram vobhyavasrijami

1.7

यो॒३प्स्व॑१ग्निरति॒ तं सृ॑जामि म्रो॒कं ख॒निं त॑नू॒दूषि॑म् ॥७॥

Yo3psva1gnirati tam srijami mrokam khanim tanudushim

1.8

यो व॑ आपो॒ऽग्निरा॑वि॒वेश॒ स ए॒ष यद् वो॑ घो॒रं तदे॒तत् ॥८॥

Yo va apogniravivesha sa esha yad vo ghoram tadetat

1.9

इन्द्र॑स्य व इन्द्रि॒येणा॒भि षि॑ञ्चेत् ॥९॥

Indrasya va indriyenabhi shinchet

1.10

अ॒रि॒प्रा आपो॑ अप॑ रि॒प्रम॒स्मत् ॥१०॥

Aripra apo apa ripramasmat

1.11

प्रास्मदेनो॑ वहन्तु॒ प्र दु॒ष्वप्न्यं॑ वहन्तु ॥११॥

Prasmadeno vahantu pra dushvapnyam vahantu

1.12

शि॒वेन॑ मा॒ चक्षु॑षा पश्यतापः शि॒वया॑ त॒न्वोप॑ स्पृशत॒ त्वचं॑ मे ॥१२॥

Shivena ma chakshusha pashyatapah shivaya tanvopa sprishata tvacham me

1.13

शि॒वान॒ग्नीन॑प्सु॒षदो॑ हवामहे॒ मयि॑ क्ष॒त्रं वर्च॒ आ ध॑त्त देवीः ॥१३॥

Shivanagninapsushado havamahe mayi kshatram varcha a dhatta devih