সূক্ত 14

14.1

১-২৪ অথর্বা। অধ্যাত্মং, ব্রাত্যঃ। ১ ত্রিপদা অনুষ্টুপ্, ২, ৪, ৬, ৮, ১০, ১২, ১৪, ১৬, ১৮, ২০, ২২, ২৪ দ্বিপদা আসুরী গায়ত্রী (১২, ১৪, ১৬, ১৮ ভুরিক্ প্রাজাপত্যা অনুষ্টুপ্), ৩, ৯ পুর উষ্ণিক্, ৫ অনুষ্টুপ্, ৭ প্রস্তারপঙ্ক্তিঃ, ১১ স্বরাড্ গায়ত্রী, ১৩ ,১৫ আর্চী পঙ্ক্তিঃ ১৯ ভুরিঙ্নাগী গায়ত্রী, ২১ প্রাজাপত্যা ত্রিষ্টুপ্।

স যৎ প্রাচীং দিশমনু ব্যচলন্মারুতং শর্ধো ভূত্বানুব্যচলন্মনোঽন্নাদং কৃত্বা ॥১॥

14.2

মনসান্নাদেনান্নমত্তি য এবং বেদ ॥২॥

14.3

স যদ্ দক্ষিণাং দিশমনু ব্যচলদিন্দ্রো ভূত্বানুব্যঽচলদ্ বলমন্নাদং কৃত্বা ॥৩॥

14.4

বলেনান্নাদেনান্নমত্তি য এবং বেদ ॥৪॥

14.5

স যৎ প্রতীচীং দিশমনু ব্যচলদ্ বরুণো রাজা ভূত্বানুব্যঽচলদপোঽন্নাদীঃ কৃত্বা ॥৫॥

14.6

অদ্ভিরন্নাদিভিরন্নমত্তি য এবং বেদ ॥৬॥

14.7

স যদুদীচীং দিশমনু ব্যচলদ্ সোমো রাজা ভূত্বানুব্যঽচলৎ সপ্তর্ষিভির্হুত আহুতিমন্নাদীং কৃত্বা ॥৭॥

14.8

আহুত্যান্নাদ্যান্নমত্তি য এবং বেদ ॥৮॥

14.9

স যদ্ ধ্রুবাং দিশমনু ব্যচলদ্ বিষ্ণুর্ভূত্বানুব্যঽচলদ্ বিরাজমন্নাদীং কৃত্বা ॥৯॥

14.10

বিরাজান্নাদ্যান্নমত্তি য এবং বেদ ॥১০॥

14.11

স যৎ পশূননু ব্যচলদ্ রুদ্রো ভূত্বানুব্যঽচলদোষধীরন্নাদীঃ কৃত্বা ॥১১॥

14.12

ওষধীভিরন্নাদীভিরন্নমত্তি য এবং বেদ ॥১২॥

14.13

স যৎ পিতৄননু ব্যচলদ্ যমো রাজা ভূত্বানুব্যঽচলৎ স্বধাকারমন্নাদং কৃত্বা ॥১৩॥

14.14

স্বধাকারেণান্নাদেনান্নমত্তি য এবং বেদ ॥১৪॥

14.15

স যন্মনুষ্যা৩ননু ব্যচলদগ্নির্ভূত্বানুব্যঽচলৎ স্বাহাকারমন্নাদং কৃত্বা ॥১৫॥

14.16

স্বাহাকারেণান্নাদেনান্নমত্তি য এবং বেদ ॥১৬॥

14.17

স যদূর্ধ্বাং দিশমনু ব্যচলদ্ বৃহস্পতির্ভূত্বানুব্যঽচলদ্ বষট্কারমন্নাদং কৃত্বা ॥১৭॥

14.18

বষট্কারেণান্নাদেনান্নমত্তি য এবং বেদ ॥১৮॥

14.19

স যদ্ দেবাননু ব্যচলদীশানো ভূত্বানুব্যঽচলন্মন্যুমন্নাদং কৃত্বা ॥১৯॥

14.20

মন্যুনান্নাদেনান্নমত্তি য এবং বেদ ॥২০॥

14.21

স যৎ প্রজা অনু ব্যচলৎ প্রজাপতির্ভূত্বানুব্যঽচলৎ প্রাণমন্নাদং কৃত্বা ॥২১॥

14.22

প্রাণেনান্নাদেনান্নমত্তি য এবং বেদ ॥২২॥

14.23

স যৎ সর্বানন্তর্দেশাননু ব্যচলৎ পরমেষ্ঠী ভূত্বানুব্যঽচলদ্ ব্রহ্মান্নাদং কৃত্বা ॥২৩॥

14.24

ব্রহ্মণান্নাদেনান্নমত্তি য এবং বেদ ॥২৪॥