সূক্ত 7

7.1

অধ্যাত্মম্। ২৯, ৩৩, ৩৯-৪০, ৪৫ আসুরী গায়ত্রী, ৩০, ৩২,৩৫-৩৬, ৪২ প্রাজাপত্যাঽনুষ্টুপ্, ৩১ বিরাট্ গায়ত্রী, ৩৪ সাম্নী উষ্ণিক্, ৩৭-৩৮ সাম্নী উষ্ণিগনুষ্টুপ্, ৪১ সাম্নী বৃহতী, ৪৩ আর্ষী গায়ত্রী, ৪৪ সাম্নী অনুষ্টুপ্।

স বা অহ্নোঽজায়ত তস্মাদহরজায়ত ॥২৯॥

7.2

স বৈ রাত্র্যা অজায়ত তস্মাদ্ রাত্রিরজায়ত ॥৩০॥

7.3

স বা অন্তরিক্ষাদজায়ত তস্মাদন্তরিক্ষমজায়ত ॥৩১॥

7.4

স বৈ বায়োরজায়ত তস্মাদ্ বায়ুরজায়ত ॥৩২॥

7.5

স বৈ দিবোঽজায়ত তস্মাদ্ দ্যৌরধ্যজায়ত ॥৩৩॥

7.6

স বৈ দিগ্ভ্যোঽজায়ত তস্মাদ্ দিশোঽজায়ন্ত ॥৩৪॥

7.7

স বৈ ভূমেরজায়ত তস্মাদ্ ভূমিরজায়ত ॥৩৫॥

7.8

স বা অগ্নেরজায়ত তস্মাদগ্নিরজায়ত ॥৩৬॥

7.9

স বা অদ্ভ্যোঽজায়ত তস্মাদাপোঽজায়ন্ত ॥৩৭॥

7.10

স বা ঋগ্ভ্যোঽজায়ত তস্মাদৃচোঽজায়ন্ত ॥৩৮॥

7.11

স বৈ যজ্ঞাদজায়ত তস্মাদ্ যজ্ঞোঽজায়ত ॥৩৯॥

7.12

স যজ্ঞস্তস্য যজ্ঞঃ স যজ্ঞস্য শিরস্কৃতম্ ॥৪০॥

7.13

স স্তনয়তি স বি দ্যোততে স উ অশ্মানমস্যতি ॥৪১॥

7.14

পাপায় বা ভদ্রায় বা পুরুষায়াসুরায় বা ॥৪২॥

7.15

যদ্ বা কৃণোষ্যোষধীর্যদ্ বা বর্ষসি ভদ্রয়া যদ্ বা জন্যমবীবৃধঃ ॥৪৩॥

7.16

তাবাংস্তে মঘবন্ মহিমোপো তে তন্বঃ শতম্ ॥৪৪॥

7.17

উপো তে বধ্বে বদ্ধানি যদি বাসি ন্যর্বুদম্ ॥৪৫॥