Sukta 7

7.1

Adhyatmam, 29, 33, 39-40, 45 asuri gayatri, 30, 32, 35-36, 42 prajapatyanushtup, 31 virat gayatri, 34 samni ushnik, 37-38 samni ushniganushtup, 41 samni brihati, 43 arshi gayatri, 44 samni anushtup

स वा अह्नो॑ऽजायत॒ तस्मा॒दह॑रजायत ॥२९॥

Sa va ahnojayata tasmadaharajayata

7.2

स वै रात्र्या॑ अजायत॒ तस्मा॒द् रात्रि॑रजायत ॥३०॥

Sa vai ratrya ajayata tasmad ratrirajayata

7.3

स वा अ॒न्तरि॑क्षादजायत॒ तस्मा॑द॒न्तरि॑क्षमजायत ॥३१॥

Sa va antarikshadajayata tasmadantarikshamajayata

7.4

स वै वा॒योर॑जायत॒ तस्मा॑द् वा॒युर॑जायत ॥३२॥

Sa vai vayorajayata tasmad vayurajayata

7.5

स वै दि॒वोऽजायत॒ तस्मा॒द् द्यौरध्य॑जायत ॥३३॥

Sa vai divojayata tasmad dyauradhyajayata

7.6

स वै दि॒ग्भ्योऽजायत॒ तस्मा॒द् दिशोऽजायन्त ॥३४॥

Sa vai digbhyojayata tasmad dishojayanta

7.7

स वै भूमे॑रजायत॒ तस्मा॒द् भूमि॑रजायत ॥३५॥

Sa vai bhumerajayata tasmad bhumirajayata

7.8

स वा अ॒ग्नेर॑जायत॒ तस्मा॑द॒ग्निर॑जायत ॥३६॥

Sa va agnerajayata tasmadagnirajayata

7.9

स वा अ॒द्भ्योऽजायत॒ तस्मा॒दापो॑ऽजायन्त ॥३७॥

Sa va adbhyojayata tasmadapojayanta

7.10

स वा ऋ॒ग्भ्योऽजायत॒ तस्मा॒दृचो॑ऽजायन्त ॥३८॥

Sa va rigbhyojayata tasmadrichojayanta

7.11

स वै य॒ज्ञाद॑जायत॒ तस्मा॑द् य॒ज्ञोऽजायत ॥३९॥

Sa vai yagyadajayata tasmad yagyojayata

7.12

स य॒ज्ञस्तस्य॑ य॒ज्ञः स य॒ज्ञस्य॒ शिर॑स्कृ॒तम् ॥४०॥

Sa yagyastasya yagyah sa yagyasya shiraskritam

7.13

स स्त॑नयति॒ स वि द्यो॑तते॒ स उ॒ अश्मा॑नमस्यति ॥४१॥

Sa stanayati sa vi dyotate sa u ashmanamasyati

7.14

पा॒पाय॑ वा भ॒द्राय॑ वा पुरु॑षा॒यासु॑राय वा ॥४२॥

Papaya va bhadraya va purushayasuraya va

7.15

यद् वा॑ कृ॒णोष्योष॑धी॒र्यद् वा॒ वर्ष॑सि भ॒द्रया॒ यद् वा॑ ज॒न्यमवी॑वृधः ॥४३॥

Yad va krinoshyoshadhiryad va varshasi bhadraya yad va janyamavivridhah

7.16

तावां॑स्ते मघवन् महि॒मोपो॑ ते त॒न्वः श॒तम् ॥४४॥

Tavanste maghavan mahimopo te tanvah shatam

7.17

उपो॑ ते॒ बध्वे॒ बद्धा॑नि॒ यदि॒ वासि॒ न्यर्बुदम् ॥४५॥

Upo te badhve baddhani yadi vasi nyarbudam