সূক্ত 7

7.1

যাতুধাননাশনম্। ১-৭ চাতনঃ। অগ্নিঃ (জাতবেদাঃ), ৩ অগ্নীন্দ্রৌ। অনুষ্টুপ্, ৫ ত্রিষ্টুপ্।

স্তুবানমগ্ন আ বহ যাতুধানং কিমীদিনম্।
ত্বং হি দেব বন্দিতো হন্তা দস্যোর্বভূবিথ ॥১॥

7.2

আজ্যস্য পরমেষ্ঠিন্ জাতবেদস্তনূবশিন্।
অগ্নে তৌলস্য প্রাশান যাতুধানান্ বি লাপয় ॥২॥

7.3

বি লপন্তু যাতুধানা অত্ত্রিণো যে কিমীদিনঃ ।
অথেদমগ্নে নো হবিরিন্দ্রশ্চ প্রতি হর্যতম্ ॥৩॥

7.4

অগ্নি পূর্ব আ রভতাং প্রেন্দ্রো নুদতু বাহুমান্।
ব্রবীতু সর্বো যাতুমানয়মস্মীত্যেত্য ॥৪॥

7.5

পশ্যাম তে বীর্যং জাতবেদঃ প্র ণো ব্রূহি যাতুধানান্ নৃচক্ষঃ ।
ত্বয়া সর্বে পরিতপ্তাঃ পুরস্তাত্ত আ যন্তু প্রব্রুবাণা উপেদম্ ॥৫॥

7.6

আ রভস্ব জাতবেদোঽস্মাকার্থায় জজ্ঞিষে ।
দূতো নো অগ্নে ভূত্বা যাতুধানান্ বি লাপয় ॥৬॥

7.7

ত্বমগ্নে যাতুধানানুপবদ্ধাঁ ইহা বহ ।
অথৈষামিন্দ্রো বজ্রেণাপি শীর্ষাণি বৃশ্চতু ॥৭॥