UtshovSarga 1
1.1
श्रुत्वा हनुमतो वाक्यम् यथावद्भिभाषितम् ।
रामः प्रीतिसमायुक्तो वाक्यमुत्तरमब्रवीत् ॥६-१-१॥
Shrutva hanumato vakyam yathavadbhibhashitam
Ramah pritisamayukto vakyamuttaramabravit
1.2
कृतम् हनुमता कार्यम् सुमहद्भुवि दुर्लभम् ।
मनसापि यदन्येन न शक्यम् धरणीतले ॥६-१-२॥
Kritam hanumata karyam sumahadbhuvi durlabham
Manasapi yadanyena na shakyam dharanitale
1.3
न हि तम् परिपश्यामि यस्तरेत महोदधिम् ।
अन्यत्र गुरुडाद्वायोरन्यत्र च हनूमतः ॥६-१-३॥
Na hi tam paripashyami yastareta mahodadhim
Anyatra gurudadvayoranyatra cha hanumatah
1.4
देवदानवयक्षाणाम् गन्धर्वोरगरक्षसाम् ।
अप्रधृष्याम् पुरीम् लङ्काम् रावणेन सुरक्षिताम् ॥६-१-४॥
Devadanavayakshanam gandharvoragarakshasam
Apradhrishyam purim lankam ravanena surakshitam
1.5
प्रविष्टः सत्त्वमाश्रित्य जीवन्को नाम निष्क्रमेत् ।
को विशेत्सुदुराधर्षाम् राक्षसैश्च सुरक्षिताम् ॥६-१-५॥
Pravishtah sattvamashritya jivanko nama nishkramet
Ko vishetsuduradharsham rakshasaishcha surakshitam
1.6
यो वीर्यबलसम्पन्नो न समः स्याद्धनूमतः ।
भृत्यकार्यम् हनुमता सुग्रीवस्य कृतम् महत् ॥६-१-६॥
Yo viryabalasampanno na samah syaddhanumatah
Bhrityakaryam hanumata sugrivasya kritam mahat
1.7
एवम् विधाय स्वबलम् सदृशम् विक्रमस्य च ।
यो हि भृत्यो नियुक्तः सन् भर्त्रा कर्मणि दुष्करे ॥६-१-७॥
Evam vidhaya svabalam sadrisham vikramasya cha
Yo hi bhrityo niyuktah san bhartra karmani dushkare
1.8
कुर्यात्तदुनुरागेण तमहुः पुरुषोत्तमम् ।
यो नियुक्तः परम् कार्यम् न कुर्यान्नऋपतेः प्रियम् ॥६-१-८॥
Kuryattadunuragena tamahuh purushottamam
Yo niyuktah param karyam na kuryannaripateh priyam
1.9
भृत्यो युक्तः समर्थश्च तमाहुर्मध्यम् नरम् ।
नियुक्तो नृपतेः कार्यम् न कुर्याद्यः समाहितः ॥६-१-९॥
Bhrityo yuktah samarthashcha tamahurmadhyam naram
Niyukto nripateh karyam na kuryadyah samahitah
1.10
भृत्यो युक्तः समर्थश्च तमाहुः पुरुष्धमम् ।
तन्नियोगे नियुक्तेन कृतम् हनूमता ॥६-१-१०॥
Bhrityo yuktah samarthashcha tamahuh purushdhamam
Tanniyoge niyuktena kritam hanumata
1.11
न चात्मा लघताम् नीतः सुग्रीवश्चापि तोषितः ।
अहम् च रघवम्शश्च लक्ष्मणश्च महाबलः ॥६-१-११॥
Na chatma laghatam nitah sugrivashchapi toshitah
Aham cha raghavamshashcha lakshmanashcha mahabalah
1.12
वैदेह्या दर्शनेनाद्य धर्मतः परिरक्षिताः ।
इदम् तु मम दीनस्य मनो भूयः प्रकर्षति ॥६-१-१२॥
Vaidehya darshanenadya dharmatah parirakshitah
Idam tu mama dinasya mano bhuyah prakarshati
1.13
यदिहास्य प्रियाक्ष्यातुर्न कुर्मि सदृशम् प्रियम् ।
एष सर्वस्वभूतस्तु परिष्वङ्गो हनुमतः ॥६-१-१३॥
Yadihasya priyakshyaturna kurmi sadrisham priyam
Esha sarvasvabhutastu parishvango hanumatah
1.14
मया कालमिमम् प्राप्य दत्तस्तस्य महात्मनः ।
इत्युक्त्वा प्रीतिहृष्टाङ्गो रामस्तम् परिष्स्वजे ॥६-१-१४॥
Maya kalamimam prapya dattastasya mahatmanah
Ityuktva pritihrishtango ramastam parishsvaje
1.15
हनुमन्तम् कृतात्मानम् क्R६इतवाक्यमुपागतम् ।
ध्यात्वा पुनरुवाचेदम् वचनम् रघुसत्तमः ॥६-१-१५॥
Hanumantam kritatmanam kR6itavakyamupagatam
Dhyatva punaruvachedam vachanam raghusattamah
1.16
हरीनामीश्वरस्यापि सुग्रीवस्योपशृण्वतः ।
सर्वथा सुकृतम् तावत्सीतायाः परिमार्गणम् ॥६-१-१६॥
Harinamishvarasyapi sugrivasyopashrinvatah
Sarvatha sukritam tavatsitayah parimarganam
1.17
सागरम् तु समासाद्य पुनर्नष्टम् मनो मम ।
कथम् नाम समुद्रस्य दुष्पारस्य महाम्भसः ॥६-१-१७॥
Sagaram tu samasadya punarnashtam mano mama
Katham nama samudrasya dushparasya mahambhasah
1.18
हरयो दक्षिणम् पारम् गमिष्यन्ति समागताह् ।
यद्यप्येष तु वृत्तान्तो वैदेह्या गदितो मम ॥६-१-१८॥
Harayo dakshinam param gamishyanti samagatah
Yadyapyesha tu vrittanto vaidehya gadito mama
1.19
समुद्रपारगमने हरीणाम् किमिहोत्तरम् ।
इत्युक्त्वा शोकसम्भ्रान्तो रामह् शत्रुनिबर्हणः ॥६-१-१९॥
Samudraparagamane harinam kimihottaram
Ityuktva shokasambhranto ramah shatrunibarhanah