Sukta 26

26.1

6 idhmavaho dardhachyutah, pavamanah somah, gayatri

तम॑मृक्षन्त वा॒जिन॑मु॒पस्थे॒ अदि॑ते॒रधि॑ । विप्रा॑सो॒ अण्व्या॑ धि॒या ॥१॥

Tamamrikshanta vajinamupasthe aditeradhi, vipraso anvya dhiya

तं गावो॑ अ॒भ्य॑नूषत स॒हस्र॑धार॒मक्षि॑तम् । इन्दुं॑ ध॒र्तार॒मा दि॒वः ॥२॥

Tam gavo abhyanushata sahasradharamakshitam, indum dhartarama divah

तं वे॒धां मे॒धया॑ह्य॒न्पव॑मान॒मधि॒ द्यवि॑ । ध॒र्ण॒सिं भूरि॑धायसम् ॥३॥

Tam vedham medhayahyanpavamanamadhi dyavi, dharnasim bhuridhayasam

तम॑ह्यन्भु॒रिजो॑र्धि॒या सं॒वसा॑नं वि॒वस्व॑तः । पतिं॑ वा॒चो अदा॑भ्यम् ॥४॥

Tamahyanbhurijordhiya sanvasanam vivasvatah, patim vacho adabhyam

तं साना॒वधि॑ जा॒मयो॒ हरिं॑ हिन्व॒न्त्यद्रि॑भिः । ह॒र्य॒तं भूरि॑चक्षसम् ॥५॥

Tam sanavadhi jamayo harim hinvantyadribhih, haryatam bhurichakshasam

तं त्वा॑ हिन्वन्ति वे॒धस॒ः पव॑मान गिरा॒वृध॑म् । इन्द॒विन्द्रा॑य मत्स॒रम् ॥६॥

Tam tva hinvanti vedhasah pavamana giravridham, indavindraya matsaram