Sukta 25

25.1

6 drilahachyuta agastyah, pavamanah somah, gayatri

पव॑स्व दक्ष॒साध॑नो दे॒वेभ्य॑ः पी॒तये॑ हरे । म॒रुद्भ्यो॑ वा॒यवे॒ मद॑ः ॥१॥

Pavasva dakshasadhano devebhyah pitaye hare, marudbhyo vayave madah

पव॑मान धि॒या हि॒तो॒३ऽभि योनिं॒ कनि॑क्रदत् । धर्म॑णा वा॒युमा वि॑श ॥२॥

Pavamana dhiya hito3bhi yonim kanikradat, dharmana vayuma visha

सं दे॒वैः शो॑भते॒ वृषा॑ क॒विर्योना॒वधि॑ प्रि॒यः । वृ॒त्र॒हा दे॑व॒वीत॑मः ॥३॥

Sam devaih shobhate vrisha kaviryonavadhi priyah, vritraha devavitamah

विश्वा॑ रू॒पाण्या॑वि॒शन्पु॑ना॒नो या॑ति हर्य॒तः । यत्रा॒मृता॑स॒ आस॑ते ॥४॥

Vishva rupanyavishanpunano yati haryatah, yatramritasa asate

अ॒रु॒षो ज॒नय॒न्गिर॒ः सोम॑ः पवत आयु॒षक् । इन्द्रं॒ गच्छ॑न्क॒विक्र॑तुः ॥५॥

Arusho janayangirah somah pavata ayushak, indram gachchhankavikratuh

आ प॑वस्व मदिन्तम प॒वित्रं॒ धार॑या कवे । अ॒र्कस्य॒ योनि॑मा॒सद॑म् ॥६॥

A pavasva madintama pavitram dharaya kave, arkasya yonimasadam