Sukta 55

55.1

5 krishah kanvah, indrah, praskanvashcha, gayatri, 3, 5 anushtup

भूरीदिन्द्र॑स्य वी॒र्यं१ व्यख्य॑म॒भ्याय॑ति । राध॑स्ते दस्यवे वृक ॥१॥

Bhuridindrasya viryan1 vyakhyamabhyayati, radhaste dasyave vrika

श॒तं श्वे॒तास॑ उ॒क्षणो॑ दि॒वि तारो॒ न रो॑चन्ते । म॒ह्ना दिवं॒ न त॑स्तभुः ॥२॥

Shatam shvetasa ukshano divi taro na rochante, mahna divam na tastabhuh

श॒तं वे॒णूञ्छ॒तं शुन॑ः श॒तं चर्मा॑णि म्ला॒तानि॑ । श॒तं मे॑ बल्बजस्तु॒का अरु॑षीणां॒ चतु॑ःशतम् ॥३॥

Shatam venunchhatam shunah shatam charmani mlatani, shatam me balbajastuka arushinam chatuhshatam

सु॒दे॒वाः स्थ॑ काण्वायना॒ वयो॑वयो विच॒रन्त॑ः । अश्वा॑सो॒ न च॑ङ्क्रमत ॥४॥

Sudevah stha kanvayana vayovayo vicharantah, ashvaso na chankramata

आदित्सा॒प्तस्य॑ चर्किर॒न्नानू॑नस्य॒ महि॒ श्रव॑ः । श्यावी॑रतिध्व॒सन्प॒थश्चक्षु॑षा च॒न सं॒नशे॑ ॥५॥

Aditsaptasya charkirannanunasya mahi shravah, shyaviratidhvasanpathashchakshusha chana sannashe