Sukta 17

17.1

7 maitravarunirvasishthah, agnih, dvipada trishtup

अग्ने॒ भव॑ सुष॒मिधा॒ समि॑द्ध उ॒त ब॒र्हिरु॑र्वि॒या वि स्तृ॑णीताम् १
उ॒त द्वार॑ उश॒तीर्वि श्र॑यन्तामु॒त दे॒वाँ उ॑श॒त आ व॑हे॒ह ॥१॥

Agne bhava sushamidha samiddha uta barhirurviya vi strinitam 1
Uta dvara ushatirvi shrayantamuta devam ushata a vaheha

17.2

अग्ने॑ वी॒हि ह॒विषा॒ यक्षि॑ दे॒वान्त्स्व॑ध्व॒रा कृ॑णुहि जातवेदः ३
स्व॒ध्व॒रा क॑रति जा॒तवे॑दा॒ यक्ष॑द्दे॒वाँ अ॒मृता॑न्पि॒प्रय॑च्च ॥२॥

Agne vihi havisha yakshi devantsvadhvara krinuhi jatavedah 3
Svadhvara karati jataveda yakshaddevam amritanpiprayachcha

17.3

वंस्व॒ विश्वा॒ वार्या॑णि प्रचेतः स॒त्या भ॑वन्त्वा॒शिषो॑ नो अ॒द्य ५
त्वामु॒ ते द॑धिरे हव्य॒वाहं॑ दे॒वासो॑ अग्न ऊ॒र्ज आ नपा॑तम् ॥३॥

Vansva vishva varyani prachetah satya bhavantvashisho no adya 5
Tvamu te dadhire havyavaham devaso agna urja a napatam

17.4

ते ते॑ दे॒वाय॒ दाश॑तः स्याम म॒हो नो॒ रत्ना॒ वि द॑ध इया॒नः ॥४॥

Te te devaya dashatah syama maho no ratna vi dadha iyanah