Sukta 17

17.1

5 pururatreyah, agnih, anushtup, 5 panktih

आ य॒ज्ञैर्दे॑व॒ मर्त्य॑ इ॒त्था तव्यां॑समू॒तये॑ ।
अ॒ग्निं कृ॒ते स्व॑ध्व॒रे पू॒रुरी॑ळी॒ताव॑से ॥१॥

A yagyairdeva martya ittha tavyansamutaye
Agnim krite svadhvare pururilitavase

17.2

अस्य॒ हि स्वय॑शस्तर आ॒सा वि॑धर्म॒न् मन्य॑से ।
तं नाकं॑ चि॒त्रशो॑चिषं म॒न्द्रं प॒रो म॑नी॒षया॑ ॥२॥

Asya hi svayashastara asa vidharman manyase
Tam nakam chitrashochisham mandram paro manishaya

17.3

अ॒स्य वासा उ॑ अ॒र्चिषा॒ य आयु॑क्त तु॒जा गि॒रा ।
दि॒वो न यस्य॒ रेत॑सा बृ॒हच्छोच॑न्त्य॒र्चय॑ः ॥३॥

Asya vasa u archisha ya ayukta tuja gira
Divo na yasya retasa brihachchhochantyarchayah

17.4

अ॒स्य क्रत्वा॒ विचे॑तसो द॒स्मस्य॒ वसु॒ रथ॒ आ ।
अधा॒ विश्वा॑सु॒ हव्यो॒ऽग्निर्वि॒क्षु प्र श॑स्यते ॥४॥

Asya kratva vichetaso dasmasya vasu ratha a
Adha vishvasu havyognirvikshu pra shasyate

17.5

नू न॒ इद्धि वार्य॑मा॒सा स॑चन्त सू॒रय॑ः ।
ऊर्जो॑ नपाद॒भिष्ट॑ये पा॒हि श॒ग्धि स्व॒स्तय॑ उ॒तैधि॑ पृ॒त्सु नो॑ वृ॒धे ॥५॥

Nu na iddhi varyamasa sachanta surayah
Urjo napadabhishtaye pahi shagdhi svastaya utaidhi pritsu no vridhe