Sukta 70

70.1

11 parasharah shaktyah, agnih, dvipada virat

व॒नेम॑ पू॒र्वीर॒र्यो म॑नी॒षा अ॒ग्निः सु॒शोको॒, विश्वा॑न्यश्याः ॥१॥

Vanema purviraryo manisha agnih sushoko, vishvanyashyah

70.2

आ दैव्या॑नि, व्र॒ता चि॑कि॒त्वाना मानु॑षस्य॒, जन॑स्य॒ जन्म॑ ॥१२॥

A daivyani, vrata chikitvana manushasya, janasya janma

70.3

गर्भो॒ यो अ॒पां, गर्भो॒ वना॑नां॒ गर्भ॑श्च स्था॒तां, गर्भ॑श्च॒रथा॑म् ॥३॥

Garbho yo apam, garbho vananam garbhashcha sthatam, garbhashcharatham

70.4

अद्रौ॑ चिदस्मा, अ॒न्तर्दु॑रो॒णे वि॒शां न विश्वो॑, अ॒मृत॑ः स्वा॒धीः ॥२४॥

Adrau chidasma, antardurone visham na vishvo, amritah svadhih

70.5

स हि क्ष॒पावाँ॑, अ॒ग्नी र॑यी॒णां दाश॒द् यो अ॑स्मा॒, अरं॑ सू॒क्तैः ॥५॥

Sa hi kshapavam, agni rayinam dashad yo asma, aram suktaih

70.6

ए॒ता चि॑कित्वो॒, भूमा॒ नि पा॑हि दे॒वानां॒ जन्म॒, मर्तां॑श्च वि॒द्वान् ॥३॥

Eta chikitvo, bhuma ni pahi devanam janma, martanshcha vidvan

70.7

६॥
वर्धा॒न्यं पू॒र्वीः, क्ष॒पो विरू॑पाः स्था॒तुश्च॒ रथ॑मृ॒तप्र॑वीतम् ॥७॥

6
Vardhanyam purvih, kshapo virupah sthatushcha rathamritapravitam

70.8

अरा॑धि॒ होता॒, स्व १र्निष॑त्तः कृ॒ण्वन् विश्वा॒न्यपां॑सि स॒त्या ॥४॥

Aradhi hota, sva 1rnishattah krinvan vishvanyapansi satya

70.9

८॥
गोषु॒ प्रश॑स्तिं॒, वने॑षु धिषे॒ भर॑न्त॒ विश्वे॑, ब॒लिं स्व॑र्णः ॥९॥

8
Goshu prashastim, vaneshu dhishe bharanta vishve, balim svarnah

70.10

वि त्वा॒ नर॑ः, पुरु॒त्रा स॑पर्यन् पि॒तुर्न जिव्रे॒र्वि वेदो॑ भरन्त ॥५॥

Vi tva narah, purutra saparyan piturna jivrervi vedo bharanta

70.11

१०॥
सा॒धुर्न गृ॒ध्नुरस्ते॑व॒ शूरो॒ याते॑व भी॒मस्त्वे॒षः स॒मत्सु॑ ॥६॥

10
Sadhurna gridhnurasteva shuro yateva bhimastveshah samatsu