Sukta 66

66.1

10 parasharah shaktyah, agnih, dvipada virat

र॒यिर्न चि॒त्रा, सूरो॒ न सं॒दृगायु॒र्न प्रा॒णो, नित्यो॒ न सू॒नुः १
तक्वा॒ न भूर्णि॒र्वना॑ सिषक्ति॒ पयो॒ न धे॒नुः, शुचि॑र्वि॒भावा॑ ॥१॥

Rayirna chitra, suro na sandrigayurna prano, nityo na sunuh 1
Takva na bhurnirvana sishakti payo na dhenuh, shuchirvibhava

दा॒धार॒ क्षेम॒मोको॒ न र॒ण्वो यवो॒ न प॒क्वो, जेता॒ जना॑नाम् ३
ऋषि॒र्न स्तुभ्वा॑, वि॒क्षु प्र॑श॒स्तो वा॒जी न प्री॒तो, वयो॑ दधाति ॥२॥

Dadhara kshemamoko na ranvo yavo na pakvo, jeta jananam 3
Rishirna stubhva, vikshu prashasto vaji na prito, vayo dadhati

दु॒रोक॑शोचि॒ः, क्रतु॒र्न नित्यो॑ जा॒येव॒ योना॒वरं॒ विश्व॑स्मै ५
चि॒त्रो यदभ्रा॑ट्, छ्वे॒तो न वि॒क्षु रथो॒ न रु॒क्मी, त्वे॒षः स॒मत्सु॑ ॥३॥

Durokashochih, kraturna nityo jayeva yonavaram vishvasmai 5
Chitro yadabhrat, chhveto na vikshu ratho na rukmi, tveshah samatsu

सेने॑व सृ॒ष्टामं॑ दधा॒त्यस्तु॒र्न दि॒द्युत्, त्वे॒षप्र॑तीका ७
य॒मो ह॑ जा॒तो, य॒मो जनि॑त्वं जा॒रः क॒नीनां॒, पति॒र्जनी॑नाम् ॥४॥

Seneva srishtamam dadhatyasturna didyut, tveshapratika 7
Yamo ha jato, yamo janitvam jarah kaninam, patirjaninam

तं व॑श्च॒राथा॑, व॒यं व॑स॒त्यास्तं॒ न गावो॒, नक्ष॑न्त इ॒द्धम् ९
सिन्धु॒र्न क्षोद॒ः, प्र नीची॑रैनो॒न्नव॑न्त॒ गाव॒ः, स्व १ र्दृशी॑के ॥५॥

Tam vashcharatha, vayam vasatyastam na gavo, nakshanta iddham 9
Sindhurna kshodah, pra nichirainonnavanta gavah, sva 1 rdrishike