Sukta 65

65.1

10 parasharah shaktyah, agnih, dvipada virat

प॒श्वा न ता॒युं, गुहा॒ चत॑न्तं॒ नमो॑ युजा॒नं, नमो॒ वह॑न्तम् ॥१॥

Pashva na tayum, guha chatantam namo yujanam, namo vahantam

65.2

स॒जोषा॒ धीरा॑ः, प॒दैरनु॑ ग्म॒न्नुप॑ त्वा सीद॒न्, विश्वे॒ यज॑त्राः ॥१॥

Sajosha dhirah, padairanu gmannupa tva sidan, vishve yajatrah

65.3

ऋ॒तस्य॑ दे॒वा, अनु॑ व्र॒ता गु॒र्भुव॒त् परि॑ष्टि॒र्द्यौर्न भूम॑ ॥३॥

Ritasya deva, anu vrata gurbhuvat parishtirdyaurna bhuma

65.4

वर्ध॑न्ती॒माप॑ः, प॒न्वा सुशि॑श्विमृ॒तस्य॒ योना॒, गर्भे॒ सुजा॑तम् ॥२॥

Vardhantimapah, panva sushishvimritasya yona, garbhe sujatam

65.5

पु॒ष्टिर्न र॒ण्वा, क्षि॒तिर्न पृ॒थ्वी गि॒रिर्न भुज्म॒, क्षोदो॒ न श॒म्भु ॥५॥

Pushtirna ranva, kshitirna prithvi girirna bhujma, kshodo na shambhu

65.6

अत्यो॒ नाज्म॒न्, त्सर्ग॑प्रतक्त॒ः सिन्धु॒र्न क्षोद॒ः, क ईं॑ वराते ॥३॥

Atyo najman, tsargaprataktah sindhurna kshodah, ka im varate

65.7

जा॒मिः सिन्धू॑नां॒, भ्राते॑व॒ स्वस्रा॒मिभ्या॒न्न राजा॒, वना॑न्यत्ति ॥७॥

Jamih sindhunam, bhrateva svasramibhyanna raja, vananyatti

65.8

यद् वात॑जूतो॒, वना॒ व्यस्था॑द॒ग्निर्ह॑ दाति॒, रोमा॑ पृथि॒व्याः ॥४॥

Yad vatajuto, vana vyasthadagnirha dati, roma prithivyah

65.9

श्वसि॑त्य॒प्सु, हं॒सो न सीद॒न् क्रत्वा॒ चेति॑ष्ठो, वि॒शामु॑ष॒र्भुत् ॥९॥

Shvasityapsu, hanso na sidan kratva chetishtho, vishamusharbhut

65.10

सोमो॒ न वे॒धा, ऋ॒तप्र॑जातः प॒शुर्न शिश्वा॑, वि॒भुर्दू॒रेभा॑ः ॥५॥

Somo na vedha, ritaprajatah pashurna shishva, vibhurdurebhah